20 sentyabr 2011 17:04
Premyer Liqamızın yeni mövsümündə ilk istefa
Premyer Liqadakı debüt mövsümünə çox uğursuz başlayan “Rəvan” baş məşqçi dəyişikliyinə əl atıb. Azerisport.az xəbər verir ki, uğursuzluqların səbəbini baş məşqçidə görən klub rəhbərliyi Bəhmən Həsənovu postundan uzaqlaşdırıb.
Bu barədə saytımıza klubun vitse-prezidenti Bəhruz Şirəliyev məlumat verib. Onun sözlərinə görə, klub rəhbərliyi bu gün baş məşqçi Bəhmən Həsənovu istefaya göndərmək barədə qərar qəbul edib.
Artıq Həsənovu kimin əvəzləyəcəyi də dəqiqləşib. Belə ki, onun yerinə Vladislav Qədirov təyin edilib. Xatırladaq ki, Qədirov bu klubda idman direktoru vəzifəsində çalışırdı.
Bəhmən Həsənov baş məşqçi postundan uzaqlaşdırılsa da, “Rəvan”da qalacaq. Bundan sonra o, paytaxt klubunda uşaq futboluna nəzarət edəcək.
Onu da vurğulayaq ki, “Rəvan” debüt mövsümündə 6 oyundan sonra cəmi 2 xal toplayıb.
