20 sentyabr 2011 18:36
Rövnəq Abdullayev: Berti Foqtsun taleyi bu iki oyundan asılıdı
"Belçika və Qazaxıstanla oyunlarda qazanılan uğurlu nəticələrə görə futbolçulara mükafat veriləcək, ancaq o qədər yox. Futbolçular mükafatdan daha çox özlərini bərpa etmək haqda düşünməlidirlər".
Azerisport.az xəbər verir ki, bu sözləri AFFA prezidenti Rövnəq Abdullayev jurnalistlərlə görüşündə deyib. Jurnalistlərin daha çox mükafatla bağlı suallar verməsinə irad tutan Abdullayev daha sonra Berti Foqtsun gələcək taleyinə münasibət bildirib:
"Berti Foqtsun hələ qarşıda iki sınağı var. Foqtsun taleyi məhz Avstriya və Türkiyə ilə oyunlardan asılıdır. Yalnız bundan sonra Foqtsun komandadakı taleyinə aydınlıq gələcək. Əgər uğurlu nəticələr olarsa, Foqts vəzifəsində qalacaq. Bununla da, DÇ-2014-ün seçmə mərhələsi ilə bağlı strategiyamızı müəyyənləşdirəcəyik.
Azərbaycan millisinin 2016-cı ildə Fransa keçiriləcək Avropa çempionatında iştirak etmək şansı var. Çünki AÇ-2016-nın finla mərhələsində 16 yox, 24 komanda iştirak edəcək".
