22 sentyabr 2011 00:29
Cavadovlu Volqadan sensasiya, Sadıqovdan vida (YENİLƏNİB)
Bu gün Rusiya kubokunda 1/8 final mərhələsinin oyunları keçirilib. Azerisport.az xəbər verir ki, həmyerlilərimizin komandaları da meydana məhz bu gün çıxıb.
Belə ki, millimizin sabiq çalışdırıcısı Vaqif Sadıqovlu “Anji” səfərdə Moskva “Dinamo”sunu mübarizədən kənarlaşdırmağa çalışıb. Baş məşqçi Hacı Hacıyev cəzalı olduğundan, Mahaçqala klubunu bu oyuna da Sadıqov çıxarıb. Yeri gəlmişkən, o, hazırda millimizə gəlməsini gözlədiyimiz Aleksandr Səmədova qarşı mübarizə aparıb. Səmədovun 90 dəqiqə mübarizə apardığı görüşdə meydan sahibləri "Anji"yə minimal hesabla qalib gəliblər. Beləcə, Vaqif Sadıqovun komandası kubokdan kənarlaşıb.
Vaqif Cavadovlu “Anji” isə səfərdə Moskvanın digər aparıcı klubu “Spartak”la dueldə sensasiyaya imza atmağa çalışıb. Millimizin forvardı Səmədov kimi yolunu gözlədiyimiz digər Azərbaycan əsilli Emin Mahmudova qarşı mübarizə aparıb. Baş məşqçi Vaqifi ilk yarıda ehtiyatda saxlasa da, ikinci hissədə meydana buraxıb.
Onun kimi, Emin də oyuna ehtiyat oyunçular skamyasından başlayıb. Baş məşqçi Karpin onu 37-ci dəqiqədə meydana buraxıb. Amma 66-cı dəqiqədə zədələnərək meydançanı tərk etmək məcburiyyətində qalıb.
Qarşılaşmaya gəlincə, Vaqifin komandası böyük sensasiyaya imza ataraq, Rusiya kubokunda 1/4 finala yüksəlib. Nijni Novqorod klubunun qələbəsində həmyerlimizin də xüsusi rolu olub.
Rusiya kuboku
1/8 final
21 sentyabr
Dinamo (Moskva) – Anji - 1:0
Qol: Kokorin, 101.
Spartak (Moskva) - Volqa - 1:1 (penaltilərlə 5:6)
Qollar: Makqidi, 6 - Bibilov, 85.
Vaqif oyuna fəal qoşulub
62-ci dəqiqədə Vaqifin uzaqdan zərbəsi tirdən qayıdıb
70-ci dəqiqədə rəqib futbolçu onu kobudluqla dayandıra bilir və sarı vərəqə ilə cəzalanır. Cavadovun özünün yerinə yetirdiyi cərimə zərbəsi qapıçıda qalır
76-cı dəqiqədə Vaqifin yerinə yetirdiyi daha bir cərimə zərbəsi uğursuz alınır
107-ci dəqiqədə Cavadova qarşı daha bir rəqib oyunçu kobud oynayır və sarı vərəqə alır
112-ci dəqiqədə Vaqifin cərimə meydançasına asması zamanı qapıçı topu tuta bilmir və mərmi dirəkdən qayıdır
Qarşılaşmanın əlavə vaxtı da heç-heçə bitdiyindən qalibi penaltilər müəyyənləşdirəcək
Penaltilərdə hesab 1:1 olarkən Vaqif komandasının ikinci oyunçusu kimi 11 metrlik nöqtəyə yaxınlaşır və dəqiq oynayır - 1:2
Vaqifin komandası penaltilərlə qələbə qazanaraq 1/4 finala adlayır
