22 sentyabr 2011 01:26
Dörd “azərbaycanlı” futbolçu Latviya yığmasında
Latviya yığmasının baş məşqçisi Aleksandr Starkov AÇ-2012-nin seçmə mərhələsi çərçivəsində keçiriləcək Malta və Xorvatiya ilə oyunlarda xidmətindən yararlanmaq istədiyi futbolçuların siyahısını müəyyənləşdirib. Azerisport.az xəbər verir ki, onun dəvət göndərdiyi futbolçular arasında 4 “azərbaycanlı” da var.
Bunlar Premyer Liqamızda top qovan Denis İvanov, Maris Verpakovski (hər ikisi “Bakı”), Pavel Doroşev (Qəbələ) və Andrey Rubindi (Simurq). Qeyd edək ki, bu futbolçulardan ilk ikisi Starkovun rəhbərliyi altında çıxış edir.
Lakin Starkov ölkəmizdə çıxış edən daha bir yetirməsinə dəvət göndərməyib. Bu “İnter”in hücumçusu Girt Karlsondu.
