22 sentyabr 2011 16:51
Starkov: Neftçi ilə qarşılaşma bizim üçün xüsusi oyundu
"Bakı"nın baş məşqçisi Aleksandr Starkov klubun rəsmi saytına açıqlamasında Premyer Liqanın 7-ci turunda "Neftçi" ilə keçirəcəkləri oyun haqda danışıb. Azerisport.az xəbər verir ki, latviyalı mütəxəssis paytaxt derbisi öncəsi bunları dilə gətirib:
“Bilirik ki, "Neftçi" ilə oyun bizim üçün çox vacibdi. Bunu həm məşqçilər korpusu, həm futbolçular, həm də rəhbərlik yaxşı başa düşür. Bu oyuna çox ciddi hazırlaşırıq. Çünki “Neftçi” ilə qarşılaşma bizim üçün xüsusi oyundu. Burada hər xırda detala da diqqət yetirmək lazımdı. Məhz belə xırda nüanslar sonda qələbəyə gətirib çıxarır.
Təbii ki, komanda qələbə qazanamq üçün meydanda əsl xarakter nümayiş etdirməlidi. Sonadək mübarizə aparmalıyıq. Mən futbolçularıma inanıram. Ancaq bu oyunda kimin qalib gələcəyi və hesabın necə olacağı haqda proqnoz vermək istəmirəm. Çünki yanılmış olaram.
Çox şadam ki, biz "Neftçi" ilə oyuna turnir cədvəlinin ikincisi kimi çıxacağıq. Çalışacağıq ki, öz mövqeyimizi qoruyaq və daha da irəli gedək. Sonda "Turan"la oyunda bizi dəstəkləyən azarkeşlərə də təşəkkürümü bildirirəm. Onlar bizi səfərdə də yalnız buraxmadılar".
