24 sentyabr 2011 14:35
“Azarkeşlərimizə borcumuzu qaytarmaq vaxtıdı”
“Sumqayıt Şəhər”in sağ cinah müdafiəçisi Ruslan Tağızadə Premyer Liqada arxada qalan 6 turu dəyərləndirib. Azerisport.az xəbər verir ki, “Simurq”la keçiriləcək görüşə qələbə üçün çıxacaqlarını deyən adıçəkilən futbolçu fanatlar haqda danışıb:
“Gənc futbolçulardan qurulmuş komandaya sahibik və zamana ehtiyacımız var. Günü-gündən oyunumuz yaxşılaşır. Uşaqlarda ruh yüksəkliyi yaranıb. “Qarabağ”la qarşılaşmada ilk xalımızı qazandıq. Bu oyundan 3 gün sonra “İnter”lə üz-üzə gəldik. Həmin matçda da yaxşı oynadıq. Səhvlərimiz ucbatından xal qazana bilmədik. “Rəvan”la “Dalğa Arena”da baş tutan son oyunumuzda da qələbəyə yaxın idik. Son dəqiqələrdə iki real qol vəziyyətindən yararlana bilmədik. Sumqayıt futbol ənənələrinin yaşadığı bir şəhərdir. İlk turdan bu yana azarkeşlərimiz bizi yalnız buraxmayıblar. Pis günlərimizdə də fanatlar bizimlə olub. Artıq bizim də onlara borcumuzu qaytarmaq vaxtıdı. “Simurq”la oyunda qələbə qazanıb azarkeşlərimizi sevindirəcəyik”.
