25 sentyabr 2011 20:23
Neftçi Flavinyonu itirdi
Son ölkə çempionu "Neftçi" ciddi itki ilə üzləşib. Azerisport.az xəbər verir ki, “ağ-qaralar”ın aparıcı futbolçusu Flavinyo ən azı 15 gün yaşıl meydanlardan kənar qalacaq.
Qeyd edək ki, braziliyalı yarımmüdafiəçi son turun "Bakı" ilə keçirilən oyununda zədələnmişdi. Zədə səbəbindən oyunu davam etdirə bilməyən braziliyalı 55-ci dəqiqədə Araz Abdullayev tərəfindən əvəzlənmişdi. Ötən gün o, tibbi müayinədən keçib və yan bağlarında zədə aşkarlanıb.
Belədə, Flavinyonun qarşıdakı turun “Simurq”la oyununu buraxacağı dəqiqdi. Lakin sonradan Premyer Liqada fasilə yaranacağından onun yalnız Zaqatala klubuna qarşı oynamayacağını, “İnter”lə paytaxt derbisinə kimi (16 oktyabrda keçiriləcək) sıraya dönəcəyini güman etmək olar.
