27 sentyabr 2011 11:44
Turanda qalmaqala son qoyuldu
“Turan”da yaranan maliyyə böhranı qismən həll olunub. Azerisport.az xəbər verir ki, artıq futbolçularla rəhbərlik arasında yaranan qalmaqala son qoyulub və tərəflər ortaq məxrəcə gələ biliblər.
Qeyd edək ki, bir müddətdi maaşlarını ala bilməyən futbolçular buna etiraz əlaməti olaraq oyunlara və məşqlərə çıxmaqdan imtina edirdilər. Lakin rəhbərlik nəhayət ki, komanda üzvlərinə olan borcları bu gün ödəməyə söz verib və Tovuz klubunda hər şey yoluna düşüb.
Futbolçular bu gündən etibarən məşqlərə başlayacaqlar. “Rəvan”la oyundan sonra istefa verən Əsgər Abdullayevin də istefası qəbul olunmayıb və o, postunda qalmağa qərar verib.
