29 sentyabr 2011 13:43
Antalyasporun forvardı rəsmən Qəbələdə (FOTO, VİDEO)
"Qəbələ" transfer pəncərəsi bağlanandan sonra futbolçu transfer edib. Azerisport.az xəbər verir ki, hücum xəttində problemlər olan bölgə klubu Serje Cehuanı heyətinə qatıb.
Kot`D-İvuardan olan futbolçu dünən ölkəmizə gələrək, klubla birbaşa müqaviləyə imza atıb. 28 yaşlı hücumçu ilə iki illik müqavilə imzalanıb.
Azərbaycanda transfer pəncərəsi bağlansa da, Serje "Qəbələ"də forma geyinə biləcək. Belə ki, qaydalara əsasən klubsuz futbolçular istənilən vaxt yeni klubla müqavilə bağlaya bilər. FİFA bu qaydanı işsiz qalan futbolçuların özlərinə yeni klub tapması üçün qəbul edib. Bu isə Cehuanın "Qəbələ"yə keçidinə şərait yaradıb.
Qeyd edək ki. 28 yaşlı forvard karyerasına 2005-ci ilə qədər vətənində - "Stella Club"da başlayıb (40 oyun, 50 qol). 2005-2008-ci illərdə CAR-ın və Afrikanın aparıcı klublarından olan "Kayzer"də oynayan Serje (30 oyun, 15 qol), 2007-2008 mövsümündə bu ölkənin digər klubuna "Royal"a icarəyə verilib (25 oyun, 10 qol). 2008-ci ildə "Antalyaspor"a gələn futbolçu bu ilin mayına qədər 70 oyunda 12 qol vurub.
