29 sentyabr 2011 19:00
Amit Quluzadə 90 dəqiqə oynadı, komandası xal itirdi (YENİLƏNİB)
Bu gün Türkiyənin Bank Asya birinci liqasında 4-cü turun növbəti oyunları keçirilib. Azerisport.az xəbər verir ki, millimizin yarımmüdafiəçisi Amit Quluzadənin çıxış etdiyi “Kayseri Erciyesspor” da növbəti oyununa çıxıb.
Həmyerlimizin komandası doğma meydanda “Denizlispor”la qarşılaşıb. Keçirdiyi ilk üç oyunun ikisində heç-heçə edib, 1 qələbə qazanan Kayseri təmsilçisi bu qarşılaşmada ilk ev qələbəsini rəsmiləşdirməyə çalışıb. Lakin onlar bu dəfə də istəyinə nail ola bilməyiblər.
Qarşılaşmanın 32-ci dəqiqəsində dənizlilər penalti ilə hesabda önə keçiblər. Amit və oyundaşları məğlubiyyətdən ikinci hissənin əvvəlində yaxa qurtara biliblər. Amma onların bundan artığına gücləri çatmayıb və növbəti ev oyununda da 1 xalla kifayətləniblər.
Bu nəticədən sonra “Erciyesspor” hazırda 6 xalla 9-cu pillədə qərarlaşıb. İlk oyunun sonlarında meydana çıxan, son iki matçda isə 90 dəqiqə mübarizə aparan Amit bu dəfə də 90 dəqiqə meydanda olub. Baş məşqçi Fikrət Yılmaz onu məhz 90-cı dəqiqədə Cemal Taşlıyla əvəzləyib.
Bank Asya birinci liqa
4-cü tur
29 sentyabr
Erciyesspor – Denizlispor - 1:1
Qollar: Emrah Bozkurt, 47 - Emin Aladağ, 32-pen.
