29 sentyabr 2011 11:44
Xəzər Lənkəranda 1058 günlük həsrətin sonu
Premyer Liqanın 7-ci turunun “Qəbələ” ilə oyunu daha 1 futbolçunun ilk dəfə “Xəzər Lənkəran”da qol vurması ilə əlamətdar olub. Azerisport.az xəbər verir ki, bu oyunda ilk qolunu vuran Antonio Semedo yeni klubundakı qol hesabını açıb.
Bununla da portuqaliyalı futbolçu “Xəzər Lənkəran”da qol sevinci yaşayan 69-cu oyunçu olub. Bu matçadək 68 futbolçu komandanın formasında fərqlənmişdi.
Semedo buna nail olan 43-cü legioner və 2-ci portuqaliyalı olub. “Xəzər Lənkəran”da qol vuran ilk portuqaliyalı isə Renato Moreyro Queyros olub. O, 2008/09 mövsümünün Azərbaycan kubokunda fərqlənmişdi.
O, 1/8 final mərhələsinin NBC ilə Lənkəranda baş tutan ilk oyununda qol vurmuşdu. Bu matç 1058 gün əvvəl 2008-ci il oktyabrın 30-da baş tutub.
