1 oktyabr 2011 19:10
Vaqif də Volqaya qələbə qazandıra bilmədi (YENİLƏNİB)
Rusiya Premyer Liqasında 26-ci turun oyunları keçirilib. Azerisport.az xəbər verir ki, Azərbaycan yığmasının üzvü Vaqif Cavadovun şərəfini qoruduğu “Volqa” doğma meydanda Perm “Amkar”ınn qəbul edib.
Qeyd edək ki, həmyerlimizin komandası elitada qalmaq uğrunda mübarizə aparır. 12-ci pillədə qərarlaşan Nijni Novqorod təmsilçisinə hər xal hava-su kimi lazım idi. Maraqlıdı ki, “Amkar” da elə eyni xalla (23) “Volqa”nın əsas izləyicisiydi. Bir sözlə tərəfləri 6 xallıq mübarizə gözləyirdi. Lakin qarşılaşma tərəflərin qolsuz heç-heçəsi ilə bitib.
Getdikcə yeni komandasındakı mövqeyini möhkəmləndirən Vaqifin bu dəfə də meydana çıxması istisna deyildi. Lakin baş məşqçi Dmitri Çerışev onu bu dəfə ehtiyatda saxlamışdı. Amma 66-cı dəqiqədə Vaqif Paştovun əvəzində meydana çıxıb.
Rusiya Premyer Liqası
26-cı tur
1 oktyabr
Volqa – Amkar - 0:0 (0:0)
89-cu dəqiqədə Vaqif cərimə zərbəsini təhlükəli yerinə yetirsə də, rəqib futbolçular topu uzaqlaşdıra bilirlər
90-cı dəqiqədə isə rəqib müdafiəçi açıq ayaqla Vaqifə qarşı çox kobud oynayır
90+1. Vaqif cərimə meydançasına daxil olsa da, yenə rəqib müdafiəsi sayıq oynayır
