1 oktyabr 2011 15:44
Elvin Məmmədov: Avstriyanı Bakıda yenəcək gücdəyik
“Bakı”nın yarımmüdafiəçisi Elvin Məmmədov Premyer Liqanın 8-ci turunun AZAL-la oyunundan (0:0) sonra azerisport.az saytının suallarını cavablandırıb. O, qarşılaşma ilə bağlı bunları dilə gətirib:
“Bu oyunda qələbə də qazana bilərdik. Amma hərdən belə də olur ki, top heç cür rəqib qapısına getmək istəmir. İstənilən halda mən komandamızı təbrik edirəm. Çünki uşaqlar bu gün yaxşı oynadılar. Bu gün yaxşı, açıq futbol gördük. Sadəcə, yaradılan qol vəziyyətlərindən yararlana bilmədik”.
“Bu oyunda qələbə də qazana bilərdik. Amma hərdən belə də olur ki, top heç cür rəqib qapısına getmək istəmir. İstənilən halda mən komandamızı təbrik edirəm. Çünki uşaqlar bu gün yaxşı oynadılar. Bu gün yaxşı, açıq futbol gördük. Sadəcə, yaradılan qol vəziyyətlərindən yararlana bilmədik”.
Məmmədov zədədən sonrakı qayıdışına da toxundu: “Əlbəttə, uzun müddətdən sonra yenidən meydana qayıtmağım sevindiricidi. Amma hələ tam bərpa olunduğumu deməzdim. Hələ tam gücümlə oynamağa hazır deyiləm. Buna baxmayaraq, komandama kömək etmək istəyirəm. Ümid edirəm ki, qarşıdakı matçlarda tam hazır olacam və öz oyunumu sərgiləyəcəm”.
Gənc yarımmüdafiəçi komandasının qeyri-sabit çıxışı ilə bağlı fikirlərini bölüşüb: “Özünüz də görürsüz ki, hələ oyun planında problemlərimiz var. Məsələn, xəttlər arasında əlaqə hələ normal qurulmayıb. Ötən mövsümlə müqayisədə heyətdə edilən dəyişikliklər də oyunumuza təsirsiz ötüşmür. Mümkündü ki, yenilər hələ komandaya tam alışmayıb”.
Sonda Məmmədov milli komandamızın qarşıdan gələn AÇ-2012-nin seçmə mərhələsinin Avstriya və Türkiyə ilə oyunlarına da toxunub: “Hesab edirəm ki, yığmamız Avstriyanı Bakıda yenəcək gücdədi. Hazırda avstriyalılar o qədər də güclü deyillər. Türkiyə ilə oyuna gəlincə, bu qarşılaşmada da heç-heçəyə nail olmaq şansımız var. Bu, tamamilə realdı. Qarşıdakı iki oyundan 4 xal götürə bilərik”.
