Qarabağ istirahət, dörd oyunçusu məşq edir

"Qarabağ" futbol üzrə yığma komandamızın qarşıdakı oyunları ilə əlaqədar istirahətdədi. Azerispot.az xəbər verir ki, baş məşqçi Qurban Qurbanov əksər futbolçuların yığmaların düşərgəsinə yollanmasından sonra legioner və digər yerlilərə də istirahət etmək şansı yaradıb.

Buna baxmayaraq Zaur Həşimov, Maksim Medvedev, İlqar Qurbanov, Bəxtiyar Soltanov bazaya gələrək fərdi olaraq trenajorda çalışıblar. Komanda mili futbolçularsız oktyabrın 5-də məşqlərə başlayacaq. Legionerlərə verilən 4 günlük icazə həmin gün başa çatacaq.