5 oktyabr 2011 16:01
Premyer Liqamızın ən intizamlı və intizamsız klubları
Futbol üzrə Azərbaycan Premyer Liqasının geridə qalan səkkiz turu ərzində keçirilmiş 47 qarşılaşmada futbolçular 148 sarı və 14 qırmızı vərəqə ilə cəzalandırılıb. Azerisport.az xəbər verir ki, ən çox qayda pozuntusuna yol verən komanda debütant “Rəvan”dı.
Vladislav Qədirovun yetirmələri 22 dəfə sarı, 2 dəfə isə qırmızı vərəqə alıblar. Hakimlər hərəyə 21 dəfə “Bakı” və “İnter”in futbolçularına sarı vərəqə, bir dəfə isə qırmızı vərəqə göstəriblər.
Digər komandalarla müqayisədə oyun qaydalarına daha çox “Sumqayıt Şəhər” futbolçuları əməl edib. Sumqayıt təmsilçisinin futbolçuları cəmi 9 dəfə sarı vərəqə ilə cəzalanıblar.
Qeyd edək ki, 6-cı turun “Simurq” - “Kəpəz” qarşılaşmasında futbolçulara üç qırmızı vərəqə göstərilib. Aktivində qırmızı vərəqə olmayan klublar isə “Turan” və “Sumqayıt Şəhərdi”.
"Bakı" klubunun Syerra-Leonedən olan legioneri İbrahim Karqbo Premyer Liqanın ən intizamsız futbolçusudu. 4 dəfə sarı vərəqə ilə cəzalanan Karqbo bir dəfə də qırmızı vərəqə alaraq oyunu yarımçıq tərk edib.
