5 oktyabr 2011 19:26
“Deməzdim ki, azərbaycanlı futbolçuların texnikası çox yüksəkdi”
Futbol üzrə Avstriya yığmasında müvəqqəti olaraq baş məşqçi vəzifəsini həyata keçirən Villi Ruttenştayner Bakı səfəri öncəsi bir sıra açıqlamalar verib. Azerisport.az xəbər verir ki, AÇ-2012-nin seçmə mərhələsi çərçivəsində yığmamızın qonağı olacaq avstriyalıların çalışdırıcısı bunları dilə gətirib:
“Biz Azərbaycanla 94 dəqiqə vuruşmağa hazır olmalıyıq. Məhz bu qdər. Çünki bu komanda öz meydanında çox inamlı oynayır. Fikrimcə, azərbaycanlıların baş məşqçisi Berti Foqts yetirmələrini bu oyuna 4-2-3-1 taktikasıyla çıxaracaq. Yeganə hücumçu da Vaqif Cavadov olacaq. Mən futbolçularıma bir neçə dəfə xəbərdarlıq etmişəm ki, Azərbaycan çox təhlükəli komandadı və sürpriz edə bilər. Onların ev oyunlarının statistikasına baxın. Səfər oyunlarının hamısında uduzsalar da, evdə iki dəfə qələbə qazanıblar, bir dəfə heç-heçə oynayıblar. Yalnız Almaniyaya məğlub olublar”.
“Biz Azərbaycanla 94 dəqiqə vuruşmağa hazır olmalıyıq. Məhz bu qdər. Çünki bu komanda öz meydanında çox inamlı oynayır. Fikrimcə, azərbaycanlıların baş məşqçisi Berti Foqts yetirmələrini bu oyuna 4-2-3-1 taktikasıyla çıxaracaq. Yeganə hücumçu da Vaqif Cavadov olacaq. Mən futbolçularıma bir neçə dəfə xəbərdarlıq etmişəm ki, Azərbaycan çox təhlükəli komandadı və sürpriz edə bilər. Onların ev oyunlarının statistikasına baxın. Səfər oyunlarının hamısında uduzsalar da, evdə iki dəfə qələbə qazanıblar, bir dəfə heç-heçə oynayıblar. Yalnız Almaniyaya məğlub olublar”.
Ruttenştayner yığmamıza qarşı necə oynamaq istədiklərindən də danışıb: “Biz rəqibə topla oynamaq imkanı verməməliyik.Top onların hər əlinə düşdükdə almağa çalışmalıyıq. Əsas topu nəzarətimizdə saxlamağımızdı. Deməzdim ki, azərbaycanlı futbolçuların texnikası çox yüksəkdi. Amma onlar problem yarada bilirlər”.
Baş məşqçi əvəzi son yoxlama oyunlarından da danışıb: “Komandamızın xüsusilə müdafiə xəttinin çıxışı mənim çox da xoşuma gəlmədi. Onlar çox ləng görünürdülər. “Amdir”dən yeni oyunçu Filip Hosinerin çıxışı xoşuma gəldi. O, əsas komandaya çağılmaqla bağlı ümidləri doğruldur”.
