5 oktyabr 2011 11:58
Foqts 4 oyunçudan imtina etdi
AÇ-2012-nin seçmə mərhələsi çərçivəsində oktyabrın 7-də Bakıda, “Dalğa Arena”da Avstriya, oktyabrın 11-də isə İstanbulda, “Türk Telekom Arena” da Türkiyə yığması ilə qarşılaşacaq Azərbaycan milli komandasının yekun heyəti müəyyənləşib. Azerisport.az xəbər verir ki, Berti Foqts heyətdə 22 futbolçunun adını saxlayıb.
Baş məşqçi "Neftçi"dən Ruslan Əmircanov, "Qarabağ"dan Namiq Yusifov, "Qəbələ"dən isə Arif İsayevlə Murad Hüseynovun xidmətinə ehtiyac duymayıb. Sonuncunun zədə səbəbindən heyətdən kənarlaşdırıldığı bildirilir.
Millimizin yekun heyəti isə belədi:
Qapıçılar: Kamran Ağayev (Xəzər Lənkəran), Andrey Popoviç (Sumqayıt), Aqil Məmmədov (Bakı);
Müdafiəçilər: Rail Məlikov, Ruslan Əmircanov (hər ikisi "Neftçi"), Saşa Yunisoğlu, Vurğun Hüseynov (hər ikisi "Qəbələ"), Rəşad Sadıqov (Qarabağ), Vladimir Levin (İnter), Aqil Nəbiyev (AZAL), Elnur Allahverdiyev (Xəzər Lənkəran), Ufuk Budak (Frayburq, Almaniya), Mahir Şükürov (hər ikisi "Qəbələ"), Ruslan Abışov (Neftçi);
Yarımmüdafiəçilər: Rəşad Sadiqov, Əfran İsmayılov (hamısı "Qarabağ"), Aleksandr Çertoqanov, Rahid Əmirquliyev (Xəzər Lənkəran);
Hücumçular: Rauf Əliyev, Vüqar Nadirov (hər ikisi "Qarabağ"), Branimir Subaşiç (Xəzər Lənkəran), Elşən Məmmədov (AZAL), Vaqif Cavadov (Volqa, Rusiya).
