6 oktyabr 2011 00:48
İvanşiç: Azərbaycan artıq həmin komanda deyil
Futbol üzrə Avstriya yığmasının yarımmüdafiəçisi Andreas İvanşiç AÇ-2012-nin seçmə mərhələsinin qarşıdakı Azərbaycan və Qazaxıstanla oyunları öncəsi fikirlərini açıqlayıb. Azerisport.az xəbər verir ki, o, bunları dilə gətirib:
“Hər şeyə rəğmən, bizim bütün fikirlərimiz qarşıdakı oyunlara yönəlib. Elə mənim qayıdışım da yığmaya əlavə güc gətirib. Bu oyunlarda meydana çıxsam, özümü yaxşı tərəfdən göstərmək üçün əlimdən gələni edəcəm. Mənim yığmadakı son rəsmi oyunum elə Bakıda Azərbaycana qarşı olmuşdu (0:0). Bu, dünya çempionatının seçmə mərhələsi çərçivəsində baş tutmuşdu. Əlbəttə, indi hər şey fərqlənir. Amma indi 2005-ci ildəki kimi olmayacaq. Nə Azərbaycan həminki yığmadı, nə də biz”.
“Hər şeyə rəğmən, bizim bütün fikirlərimiz qarşıdakı oyunlara yönəlib. Elə mənim qayıdışım da yığmaya əlavə güc gətirib. Bu oyunlarda meydana çıxsam, özümü yaxşı tərəfdən göstərmək üçün əlimdən gələni edəcəm. Mənim yığmadakı son rəsmi oyunum elə Bakıda Azərbaycana qarşı olmuşdu (0:0). Bu, dünya çempionatının seçmə mərhələsi çərçivəsində baş tutmuşdu. Əlbəttə, indi hər şey fərqlənir. Amma indi 2005-ci ildəki kimi olmayacaq. Nə Azərbaycan həminki yığmadı, nə də biz”.
İvanşiç Azərbaycan – Avstriya matçının süni örtüklü meydançada keçirilməsinin onların çıxışına ciddi təsir göstərməyəcəyini düşünür: “Süni örtükdə də həmin futbol oynanılır. Əksinə, yaxşı süni örtükdə daha sürətli, ötürmələrlə zəngin futbol oynamaq mümkündü, əlavə problemlər olmur. Bizim üçün süni qazon problem deyil”.
Təcrübəli futbolçu sonda bunları dilə gətirib: “Ümid edirəm ki, Azərbaycan və Qazaxıstanla oyunlarda yarımmüdafiənin mərkəzində yer alacam. Bu, mənim özümü rahat hiss etdiyim ən yaxşı mövqedi”.
