Millimiz uduza-uduza gedir (YENİLƏNİB)

Bu gün 21 yaşadək futbolçulardan ibarət yığmalar arasında təşkil olunan AÇ-2013-ün seçmə mərhələsi çərçivəsində növbəti oyunlar keçirilir. Azerisport.az xəbər verir ki, 8-ci qrupda yer alan Azərbaycan millisi də bu gün növbəti oyununa çıxıb.

 

Belə ki, Bernard Lippertin yetirmələri doğma meydanda Norveçi qəbul edib. Hansı ki, bu komanda keçirdiyi ilk oyunda səfərdə İslandiyaya qalib gəlmişdi – 2:0.

 

Yığmamız isə bu görüşə kimi artıq iki oyun keçirmişdi. İlk oyununda səfərdə İngiltərəyə 6 cavabsız qolla uduzan millimiz növbəti matçında da Belçika qarşısında darmadağına üzülmüşdü – 1:4.

 

Bu dəfə isə yığmamız hazırkı seçmə mərhələdə ilk ev oyununa çıxmışdı. Futbolçularımız norveçli həmkarları ilə “Dalğa Arena”da üz-üzə gəldilər. Lippertin komandası bu görüşdə ilk xal və ya xallarını qazanmalıydı. Lakin təəssüf ki, bu dəfə də qismətimiz elə məğlubiyyətə üzülmək oldu.

 

Bu gün qrupumuzun digər oyununda İngiltərə səfərdə İslandiyanın qonağı olacaq. Oktyabrın 10-da Bakıda millimizin qonağı olacaq Belçika isə bu tur istirahət edir.

 

U-21-lər arasında AÇ-nin seçmə mərhələsi

8-ci qrup

6 oktyabr

 

Azərbaycan – Norveç - 0:2 (0:1)

Qol: M.Henriksen, 21 (0:1), T.Borven, 90+2 (0:2)

Baş hakim: Arnold Hanter (Şimali İrlandiya)

Bakı. Dalğa Arena.

 

AZƏRBAYCAN: 1. Səlahət Ağayev, 2. Qara Qarayev, 4. Bədavi Hüseynov, 5. Novruz Məmmədov, 6. Mirhüseyn Seyidov (k), 8. Emin Mustafyev, 10. Cavid İmamverdiyev, 15. Amit Quluzadə, 16. RuslanTağızadə, 17. Cihan Özkara, 23. Tural İsgəndərov.

Ehtiyat oyunçular: 12. Osman Umarov, 9. Ruslan Qurbanov, 11. Kamil Nurəhmədov, 14. Rüstəm Abbasov, 19. Emin Cəfərquliyev, 20. Asif Mirili, 21. Zahid Quliyev.

Baş məşqçi: Bernard Lippert:

NORVEÇ: 12. Eyrik-Holmen Yohansen, 2. Veqar Hedenstad, 4. Tomas Roqne (k), 5. Stefan Strannberq, 6. Hovard Nordveyt, 7. Harmet Sinqh, 8. Markus Henriksen, 9. Flamur Kastrati, 14. Yoahim Voqe-Nilsen, 15. Andres Konradsen, 17. Markus Pedersen.

Ehtiyat oyunçular: 1. Andres Kristiansen, 3. Yorgen Hammer, 10. Torqeyr Borven, 11. Yann Erik de Lanlay, 13. Frederik Semb-Berqe, 16. Valon Berişa, 18. Remi Yohanssen.

Baş məşqçi: Per-Yoar Yansen.

 

Oyun başladı

5. Qonaqlar oyuna daha fəal başlayıblar

6. Səlahət komandamızı real qoldan xilas edə bilir

10. Norveçin növbəti təhlükəli hücumu zamanı Qara Qarayev topu uzaqlaşdırmağı bacarır

15. Yığmamız hələ ki, təhlükəli hücumlar qurmaqda çətinlik çəkir və müdafiə olunur

16. Seyidovun uzaqdan zərbəsi qeyri-dəqiq alınır

21. Markus Henriksen sağ cinahla cərimə meydançasına daxil olub qapıya dəqiq zərbə endirir - 0:1

23. Cihan Özkara rəqib qapısına yol tapsa da, hakimlər ofsayd olduğunu bildirirlər

28. Cavid İmamverdiyev çox əla ötürməni dəyərləndirə bilmir

34. Yığmamız çox təhlükəli hücum qursa da, bundan yararlana bilmir

36. Turalın sol cinahdan iti bucaq altında endirdiyi zərbəni qapıçı kornerə çıxarır

37. Yığmamızın ənənəvi Vaqif Sadıqov korneri Özkaranın qeri-dəqiq zərbəsiylə nəticələnir

41. Emin Mustafayev qapıçı ilə üz-üzə qalır. Futbolçumuz yerdə qalsa da, hakim onun simulyasiyaya əl atdığını bildirərək ona sarı vərəqə göstərir

45. İlk yarıya 2 dəqiqə əlavə olunur

İlk yarı başa çatdı

Görüşü izləyənlər arasında yığmamızın sabiq məşqçiləri - Vaqif Sadıqovla Ağasəlim Mircavadov da var

İkinci hissə başladı

48. Yığmamızın təhlükəli hücumu zamanı rəqib futbolçular topu kornerə çıxarırlar

49. Kornerdən sonra rəqib qapısı qarşısında yaranan qarışıqlıqdan yararlana bilmirik

54. Yoahim Nilsen sarı vərəqə ilə cəzalandırılır. Maraqlıdı ki, həmin qayda pozuntusunu komanda yoldaşı etmişdi

58. Cihan Özkaranın əvəzində komandamızın digər hücumçusu Ruslan Qurbanov meydana çıxır

60. Nordveytin uzaqdan zərbəsi təhlükəli, amma qeyri-dəqiq alınır

62. Şimali İrlandiyalı hakim nə qədər qəribə olsa da, qapıçı meydançasında kobudluğa məruz qaldığı üçün oyunun dayandırılmamasına etiraz edən Səlahəti sarı vərəqə ilə cəzalandırır. Hakim çox qərəzli qərarlar verir...

65. Yığmamız ikinci hissədə çox fəal oyun nümayiş etdirsə də, hələ ki, hücumlarımız bəhrəsizdi

68. Konradsen kobud oyuna görə sarı vərəqə alır

72. Mustafayevin zərbəsini rəqib qapıçı tutur

74. Kastrate yerini Valon Berişaya verir

76. Amit Quluzadənin əvəzində meydana Emin Cəfərquliyev daxil olur

81. Pedersen yerini Borvenə verir

86. Berişanın uzaqdan zərbəsini Səlahət kornerə çıxarır

90. Qarşılaşmanın əsas vaxtına 3 dəqiqə əlavə olunur

90+2. Borven dəqiq zərbə ilə komandasının ikinci qoluna imza atır

Matç başa çatdı

 

23:45. İslandiya – İngiltərə

Baş hakim: Kleman Turpen (Fransa)

Reykyavik. Lauqardalsvellur stadionu.

 

1	Norveç	2	2	0	0	4-0	6
2	İslandiya	2	1	0	1	2-3	3
3	İngiltərə	1	1	0	0	6-0	3
4	Belçika	2	1	0	1	5-3	3
5	Azərbaycan	3	0	0	3	1-12	0