6 oktyabr 2011 23:52
Azərbaycan İsveç üzərində qələbə ilə başladı (YENİLƏNİB)
Bu gün futbol üzrə 19 yaşadək yığmalar arasında Avropa çempionatının seçmə mərhələsinin 3-cü qrupunun oyunlarına start verilib. Azerisport.az xəbər verir ki, Azərbaycan yığması da məhz sözügedən qrupdan çıxmaq üçün mübarizə aparır.
Qeyd edək ki, Vəli Qasımovun komandası AÇ-nin seçmə mərhələsində çox çətin qrupa düşüb. Futbolçularımızı İtaliya, Rumıniya və İsveç kimi qabaqcıl futbol ölkələrinin yığmaları gözləyir. Qrup oyunlarına isə İsveç ev sahibliyi edir.
Komandamız ilk oyununu bu gün məhz meydan sahiblərinə qarşı keçirib. Qarşılaşmanı Monteneqrodan olan Pavle Radovanoviçin rəhbərlik etdiyi hakimlər idarə edirdilər. Qasımovun yetirmələri çox uğurlu bir oyun keçirərək mühüm qələbəyə imza atıblar.
Bu gün qrupumuzun digər oyununda İtaliya Rumıniya ilə qarşılaşıb. Nə qədər maraqlı olsa da, hesabı açan italyanlar sonda meydandan məğlub ayrılıblar.
Sonda onu da xatırladaq ki, yığmamızın növbəti oyunu oktyabrın 8-də Rumıniyaya, 11-də isə İtaliyaya qarşı olacaq.
U-19-lar arasında AÇ-nin seçmə mərhələsi
3-cü qrup
6 oktyabr
İtaliya – Rumıniya - 1:2
Qollar: Qans, 21 - Stanesku, 45, Qavra, 90.
Baş hakim: Artur Soareş (Portuqaliya)
Poskberqsvallen. Varberq stadionu.
Azərbaycan – İsveç - 1:0 (2-ci hissə)
Qol: Amil Yunanov, 82.
Baş hakim: Pavle Radovanoviç (Monteneqro).
Falkenberq. Falkenberq stadionu.
AZƏRBAYCAN: 1. Orxan Sadıqlı, 3. Şamil Qurbanov, 5. Samir Yusifov, 6. Ramil Mansurov (19. Amil Yunanov, 62), 10. Rəhman Hacıyev, 11. Rizvan Umarov (7. Nurlan Novruzov, 90), 13. Murad Ağayev, 15. Kərim Diniyev (18. Fuad Bayramov, 76), 16. Hacı Əhmədov (k), 17. Müşfiq Teymurov, 20. Tural Qürbətov.
Ehtiyat oyunçular: 12. Rəşad Əzizov, 8. Akif Tağıyev, 9. Elşən Abdullayev, 14. Xanlar Zamanov.
Baş məşqçi: Vəli Qasımov.
