6 oktyabr 2011 01:33
"Azərbaycan millisini qiymətləndirmək lazımdı"
AÇ-2012-nin seçmə mərhələsi çərçivəsində oktyabrın 11-də millimizi qəbul edəcək Türkiyə yığma komandasının hücumçusu Burak Yılmaz qarşıdakı oyunlarla bağlı fikirlərini bölüşüb. Azerisport.az xəbər verir ki, o, həm Almaniya, həm də Azərbaycanla oyunlara ciddi hazırlaşdıqlarını bildirib:
"Qazaxıstan və Avstriya ilə oyunlarda şansızlıq yaşadıq. Bununla belə, həmin görüşlərdə istədiyimiz xalları qazana bildik. İndi isə qarşımızda iki çətin oyun var. Komandada əhval-ruhiyyə çox gözəldi. Hər kəs qarşıdakı oyunlara köklənib. Almaniya millisinə hörmətlə yanaşırıq. Ancaq onlardan çəkinmirik. Çünki doğma azarkeşlər önündə oynayacağıq. Türkiyə millisində çox istedadlı futbolçular var. Ona görə də istənilən komandanı məğlub edəcək gücdəyik. Rəqib hər nə qədər güclü olsa da, onlardan qorxmuruq. Amma təbii ki, almanlarla oyun çətin olacaq. Lakin Azərbaycan millisini də qiymətləndirmək lazımdı. Hər iki oyunda əlimizdən gələni edərək lazımi nəticəni qazanmağa çalışacağıq".
