6 oktyabr 2011 16:52
“Azərbaycanla matçı da qazanaraq, bunu reallaşdırmaq istəyirik”
AÇ-2012-nin seçmə mərhələsinin Almaniya ilə oyunu öncəsi Türkiyə millisinin baş məşqçisi Quus Hiddink mətbuat konfransı keçirib. Azerisport.az xəbər verir ki, bu günə qədər komandanın yaxşı işlər gördüyünü söyləyən holland mütəxəssis buna baxmayaraq, hələ də özünü uğur qazanmış məşqçi saymır. Təcrübəli məşqçi bunun yalnız Türkiyə yığmasının final mərhələsinə qatılacağı təqdirdə baş verə biləcəyini söyləyib:
"Hazırda qrupumzda ikinci yeri tutmağı qarşımıza məqsəd qoymuşuq . Ona görə də sadəcə sabahkı oyunu deyil, Azərbaycanla matçı da qazanaraq, bu istəyimizi reallaşdırmaq istəyirik. Yalnız final mərhələsinə vəsiqə qazansaq, özümü uğur qazanmış baş məşqçi hesab edərəm. Amma yenə də türk futbolunun hazırkı vəziyyəti etibarilə məncə, komanda bu günə qədər heç də pis təsir bağışlamadı. Sadəcə son iki oyun qaldı. Olduqca vacib olan həmin iki addımı inamla atacağımızı gözləyirəm".
