Yenə darmadağın (YENİLƏNİB)

Bu gün futbol üzrə Azərbaycan yığması AÇ-2012-nin seçmə mərhələsi çərçivəsində növbəti matçına çıxıb. Azerisport.az xəbər verir ki, Berti Foqtsun çalışdırdığı komandamız doğma divarlar arasında Avstriyanı qəbul edib.

Qeyd edək ki, Avstriya yığması ilə oyun millimizin AÇ-2012-nin seçmə mərhələsi çərçivəsindəki son ev qarşılaşmasıydı. Düzdü, yığmamızı seçmə mərhələdə daha bir oyun gözləsə də, Türkiyə ilə görüş səfərdə - İstanbulda baş tutacaq. Xatırladaq ki, ötən il oktyabrın 8-də Vyanada baş tutan Avstriya - Azərbaycan görüşü 3:0 hesabı ilə meydan sahiblərinin xeyrinə tamamlanmışdı. Bütövlükdə isə, bu, sözügedən yığmalar arasında 4-cü qarşılaşmaydı. Tərəflər arasında ilk qarşıdurma 2004-cü ildə olub və həmin ilin sentyabr ayında Vyanda keçirilən DÇ-nin seçmə mərhələ oyununda meydan sahibləri 2 cavabsız qolla qələbə qazanıblar. 2005-ci ilin avqustun 7-də Bakıda baş tutan Azərbaycan – Avstriya görüşü isə 0:0 hesabıyla başa çatmışdı.

 

Nə qədər üzücü olsa da, millimiz bu dəfə də avstriyalılara məğlub oldu. Özü də darmadağınla.

 

AÇ-2012-nin seçmə mərhələsi

A qrupu

7 oktyabr

 

AZƏRBAYCAN – AVSTRİYA - 1:4 (0:1)

Qol: A.İvanşiç, 34 (0:1), M.Yanko, 51 (0:2), M.Yanko, 62 (0:3), V.Nadirov, 74 (1:3), M.Yunuzoviç, 90+1.

Hakimlər: Stefan Studer, Manuel Navarro, Sandro Pozzi, Alan Byeri (hamısı İsveçrə).

Hakim-inspektor: Luçano Luci (İtaliya).

UEFA nümayəndəsi: Oleq Harlamov (Estoniya).

 

AZƏRBAYCAN: 1. Kamran Ağayev, 3. Saşa Yunisoğlu, 14. Rəşad Sadıqov (k), 20. Ufuk Budaq, 5. Elnur Allahverdiyev, 13. Vurğun Hüseynov, 15. Ruslan Abışov, 6. Rəşad Sadiqov, 7. Vaqif Cavadov, 22. Əfran İsmayılov, 11. Rauf Əliyev.

Ehtiyat oyunçular: 23. Andrey Popoviç, 2. Rail Məlikov, 8. Aleksandr Çertoqanov, 10. Branimir Subaşiç, 17. Vüqar Nadirov, 19. Rahid Əmirquliyev, 21. Vladimir Levin.

Baş məşqçi: Berti Foqts.

AVSTRİYA: 1. Paskal Qrünvald, 5. Kristian Fuxs, 13. Ekrem Dağ, 15. Sebastyan Prödl, 2. Aleksandr Draqoviç, 6. Andreas İvanşiç, 14. Yulian Baumqartlinger, 8. David Alaba, 21. Mark Yanko (k), 16. Paul Şarner, 7. Marko Arnautoviç.

Ehtiyat oyunçular: 23. Robert Almer, 4. Manuel Ortlexner, 9. Filip Hosiner, 10. Marko Yunuzoviç, 17. Florian Kleyn, 18. Daniel Royer, 19. Veli Kavlak.

Baş məşqçi: Villi Ruttenştayner.

 

Oyun başladı. Milli komandamıza uğurlar arzulayırıq!

5. Matçın ilk dəqiqələri daha çox meydanın mərkəzində keçir. Avstriyalıların müəyyən ərazi üstünlüyü hiss olunur

7. Yankonun uzaqdan zərbəsi qapının üstündən keçir

10. Elnurun sağ cinahdan asmasına Vaqif çata bilmir

12. Arnautoviç də uzaqdan vurduğu qeyri-dəqiq zərbə ilə yadda qalır

19. Oyunda ilk real qol vəziyyətini qonaqlar yaradır: künc nöqtəsindən göndərilən topa Yankonun ilk baş zərbəsi qapı tirindən qayıdır, təkrar zərbəni isə R.Sadıqov boş qapıdan çıxarır

23. Baumqartlinger kobud oyuna görə sarı vərəqə ilə cəzalanır

26. Baumqarlinger Sadiqova qarşı kobud oynayır və cərimə zərbəsi... Lakin Vaqifin birbaşa zərbəsi canlı səddən qayıdır

27. Saşa Yunisoğlu Kamranla üz-üzə qalan rəqib oyunçunu cərimə meydançası həndəvərində yıxdığı üçün qırmızı vərəqə alır

29. Arnautoviçin zərbəsi canlı səddən qayıdır

34. Yanko ilə üz-üzə qalan Kamran onun zərbə vurmasına imkan verməsə də, Alaba topu daha uyğun mövqedə olan İvanşiçə ötürür və o, boş qapını nişan almaqda çətinlik çəkmir - 0:1

42. Sol cinahdan qapı qarşısına əla asma edilsə də, yaxşı mövqedə olan Əfran qapıya dəqiq baş zərbəsi endirə bilmir

45. Ufuk sol cinahla əla reyd edib qapı qarşısına daha bir təhlükəli ötürmə etsə də, Əfran yenə yaxın məsafədən tora düşə bilmir

45. İlk yarıya 2 dəqiqə əlavə olunur

Birinci hissə başa çatdı

İkinci hissə başladı

46. Rəşad Sadiqovun əvəzində meydana Rahid Əmirquliyev çıxır

51. Vaqifin itirdiyi topu qonaq futbolçular daha ideal mövqedə olan Yankoya ötürürlər ki, o da qapını dəqiq nişan almaqda çətinlik çəkmir - 0:2

57. Demək olar ki, top itirməkdən başqa heç nə ilə yadda qalmayan Cavadovun əvəzində meydana Vüqar Nadirov çıxır

62. Vurğun Hüseynovu sürəti hesabına geridə qoyan Yanko özünün ikinci, komandasının üçüncü qolunu vurur - 0:3

67. Arnautoviçin əvəzində meydana Yunuzoviç çıxır

70. Oyun tamamilə avstriyalıların nəzarəti altında keçir

73. İvanşiçi Daniel Royer əvəzləyir

74. Vüqar Nadirov əks-hücum zamanı qapını uzaqdan dəqiq zərbə ilə nişan alır - 1:3

77. Alabanın uzaqdan zərbəsi qapı çatından dönür

78. Rauf Əliyev sarı vərəqə alır

81. Yunuzoviçin zərbəsini son anda Kamran kornerə çıxarır

86. Alaba hakimin fitindən sonra qapıya zərbə endirdiyinə görə sarı vərəqə alır

88. Yanko yerini Hosinerə verir

90. Matçın əsas vaxtına 3 dəqiqə əlavə olunur

90+1. Yunuzoviç matçda son nöqtəni qoyur - 1:4

Matç başa çatdı