7 oktyabr 2011 18:08
"Azərbaycanla oyun asan olmayacaq"
Türkiyə milli komandasının qapıçısı Tolqa Zəngin AÇ-2012-nin seçmə mərhələsinin Almaniya və Azərbaycanla oyunları öncəsi fikirlərini açıqlayıb. Azerisport.az xəbər verir ki, o, iki oyundan ən azı 4 xalla ayrılmaqla pley-offa vəsiqə qazanmaq istədiklərini bildirib:
"Almaniya ilə matçımız çox çətin keçəcək. Ancaq Azərbaycanla oyun da asan olmayacaq. Qazaxıstanla oyunun necə çətin keçdiyini hər kəs gördü. Xal itirdiyimiz oyunlardan yetərincə dərs çıxarmışıq. Almaniya ilə oyundan ən azı 1 xalla ayrılıb, ardından Azərbaycana da qalib gəlməklə pley-offa vəsiqə qazana bilərik. İnanıram ki, Türkiyə millisi olaraq pley-offda da inamlı çıxış edərək Avropa çempionatına qatılacağıq".
