10 oktyabr 2011 01:06
“Azərbaycanla oyunun fərqli olacağını onlar da bilirlər”
Futbol üzrə Türkiyə yığmasının koordinatoru Okan Buruk AÇ-2012-nin seçmə mərhələsi çərçivəsində keçiriləcək Azərbaycanla ev oyunu öncəsi “NTV Spor”un sullarını cavablayıb. Azerisport.az xəbər verir ki, o, müsahibəsində bir sıra maraqlı məqamlara toxunub.
Belə ki, Buruk təcrübəli futbolçu Emre Belözoğlunun yığmamızla görüşdə oynaya biləcək durumda olduğunu söyləyib. O, həmçinin komandadakı durumdan, millimizlə oyunun vacibliyindən, Ardanın Hiddinklə münasibətlərinin gərginləşməsi barədə şayiələrdən də danışıb:
“Komandadakı durum yaxşıdı. Hər kəs özünü Azərbaycan matçına hazırlayır. Baş məşqçimizin də həval-ruhiyyəsi yaxşıdı. Təcrübəli məşqçidi. Tənqidlər təbii ki, olacaq. Bu, normaldı. Amma Hiddink öz işi ilə məşğuldu. Futbolçularımız istəklidilər və bu matçın fərqli olacağını bilirlər. Bu günə qədər sükan bizdəydi. Bu dəfə isə gözləyən tərəfik. Belçikanın Almaniyanı yenməsi çox çətin olacaq. Amma futbolda hər şey ola bilər. Biz çıxıb matçımızı qazanacağıq. Emre də artıq məşqlərə qatılır. İnşallah, Azərbaycanla matçda oynaya biləcək durumda. Arta Turana gəlincə, baş məşqçimiz onun sarı vərəqə almaması və zədələnməməsi üçün meydandan çıxardı. Sonra da nə olduğunu Ardaya başa saldı. Hər kəs özünə görə şərh edir. Amma Ardanı hamımız tanıyırıq. İndiyə qədər hörmətsizlik etməd, bundan sonra da olacağını zənn etmirəm. Azərbaycan matçı bizim üçün daha da ciddi önəm qazandı. Hər kəsi matçımızda gözləyirik. Hər matçda olduğu kimi, Azərbaycan matçında da tərəfdarlarımıza ehtiyacımız var”.
