Millimiz tsikli Türkiyəyə məğlubiyyətlə bitirdi (YENİLƏNİB)

Bu gün futbol üzrə Azərbaycan yığması AÇ-2012-nin seçmə mərhələsi çərçivəsində son matçına çıxıb. Azerisport.az xəbər verir ki, Berti Foqtsun çalışdırdığı komandamız səfərdə Türkiyənin qonağı olacaq.

 

Qeyd edək ki, bu oyun Azərbaycan millisi üçün sadəcə tsikli major notlarla bitirmək və xal ehtiyatını artırmaq baxımından əhəmiyyət daşıyırdı. Lakin millimizdən fərqli, türklər üçün bu görüş həyati əhəmiyyətə malik idi. Çünki son oyunda Almaniyaya uduzmaqla işini çətinləşdirən Türkiyənin millimizi məğlub etməkdən başqa çıxış yolu yoxdu. Əks halda qardaş ölkə yığması AÇ-yə vəsiqə qazana bilməyəcəkdi. Düzdü, türklər hətta millimizi yensə belə, taleyi öz əlində deyildi. Bunun üçün Almaniyanın da Belçikaya uduzmaması lazım idi ki, belə də oldu.

 

Belə ki, almanlar Belçikanı məğlub etdikləri halda, türklər də millimiz üzərində qələbə ilə pley-offa çıxdılar. Beləcə, Azərbaycan yığması AÇ-yə məğlubiyyətlə vida etdi.

 

AÇ-2012-nin seçmə mərhələsi

A qrupu

11 oktyabr

 

Türkiyə - Azərbaycan - 1:0 (0:0)

Qol: B.Yılmaz, 60 (1:0).

Hakimlər: Peter Rasmussen, Henrik Sonderbi, Nyels Hoeq, Lars Kristoffersen (hamısı İsveçrə).

İstanbul. Türk Telekom Arena.

 

TÜRKİYƏ: 12. Sinan Bolat, 22. Sabri Sarıoğlu, 4. Gökhan Zan, 19. Egemen Korkmaz, 3. Hakan Balta, 5. Emre Belözoğlu (k), 15. Mehmet Topal, 6. Hamit Altıntop, 14. Arda Turan, 18. Kazım Kazım, 17. Burak Yılmaz

Ehtiyat oyunçular: 12. Hakan Arıkan, 7. Gökhan Gönül, 8. Selcuk İnan, 9. Umut Bulut, 10. Mehmet Ekici, 20. Gökhan Töre, 21. Ömer Toprak.

Baş məşqçi: Quus Hiddink.

AZƏRBAYCAN: 1. Kamran Ağayev, 4. Mahir Şükürov, 14. Rəşad Sadıqov (k), 13. Vurğun Hüseynov, 21. Vladimir Levin, 20. Ufuk Budaq, 8. Aleksandr Çertoqanov, 15. Ruslan Abışov, 17. Vüqar Nadirov, 22. Əfran İsmayılov, 10. Branimir Subaşiç.

Ehtiyat oyunçular: 23. Andrey Popoviç, 2. Rail Məlikov, 5. Elnur Allahverdiyev, 6. Rəşad Sadiqov, 16. Elşən Məmmədov, 18. Arif İsayev, 19. Rahid Əmirquliyev.

Baş məşqçi: Berti Foqts.

 

 

Oyun başladı. Millimizə uğurlar arzulayırıq!

2. Türklərin ilk təhlükəli hücumu: Kazımın zərbəsi bloklanır

3. Meydan sahiblərinin ilk korneri: Ağayev topu geri qaytarır

5. Gözlənildiyi kimi, türklər ilk dəqiqələrdən hücuma atılıblar, millimiz isə müdafiə olunur

9. Türklərin ikinci korner vuruşu da bəhrəsiz qalır

13. Türklər müdafiədə kobud səhvə yol versələr də, topu ələ keçirən Çertoqanov onu düz qapıçının üstünə vurur

14. Qapımız qarşısında ciddi təhlükə: Kazımın müdafiəçilərimizin uzaqlaşdıra bilmədiyi topa zərbəsi qapının azca yanından keçir

17. Levinin zədələnməsi üzündən oyunda kiçik fasilə yaranır

19. Əfrana qarşı qayda pozuntusu və cərimə zərbəsi

20. Mahirin yerinə yetirdiyi cərimə zərbəsi Sinanda qalır

20. Emreyə qarşı qayda pozuntusu və cərimə zərbəsi. Hamitin vuruşunda top kornerə çıxır

24. Hamitin uzaqdan zərbəsi Kamranda qalır

27. Mehmet Topalın vuruşunda top yenə Kamrana qismət olur

28. Emre Subaşiçə qarşı kobud oynayır, hücumçumuz zədələnir

29. Cərimə zərbəsindən heç nə alınmır

30. Türklər müdafiədə çox inamlıdılar və futbolçularımız qapıya demək olar ki, yaxınlaşa bilmirlər

33. Meydan sahibləri təzyiqi artırıblar və üst-üstə cərimə meydançamıza asmalarla təhlükə yaratmaqdadılar

36. Hamitin uzaqdan zərbəsi qapının üstündən keçir

37. Altıntopdan daha bir uzaqdan zərbə: top yandan keçir

40. Ufuk Budaq ötən oyunda olduğu kimi, bu dəfə də çox soyuqqanlıdı və inamlı oyunuyla diqqət çəkir

42. Ardanın uzaqdan zərbəsini Kamran tutur

45. İlk yarıya 2 dəqiqə əlavə olunur

45+1. Hamitin çox təhlükəli zərbəsi qapının azca yanından keçir

Birinci hissə başa çatdı

İkinci hissə başladı

46. Yığmamız ikinci hissəyə əvəzləməylə başlayır: Əfranın əvəzində meydana Elşən Məmmədov çıxır

48. Emrenin uzaqdan zərbəsini Kamran tutur

53. Qapımız qarşısında çox təhlükəli vəziyyət yaransa da, müdafiəçilərimiz son anda topu qaytara bilirlər

56. Ardanın asmasına Burakın baş zərbəsi yandan keçir

57. Emrenin cərimə zərbəsindən göndərdiyi topu Burak çərçivəyə göndərir. Amma öncə ofsayd qərarı

58. Kazım yerini Selcuk İnana verir

59. İnanın topa ilk zərbəsi düz qapımıza...Amma Kamran yerindədi

60. Burak Yılmaz Selcukun uzun ötürməsindən sonra Kamranla üz-üzə qalır və hesabı açır - 1:0

61. Ardanın yaxın məsafədən baş zərbəsi... Kamran topu tutur

70. Türklərin çox təhlükəli hücumunu müdafiəçilərimiz zərərsizləşdirir

72. Ardanın təhlükəli zərbəsini Kamran kornerə çıxır

77. Burak az qala ikinci qolu vuracaqdı. Son anda Mahir topu kornerə çıxarır

78. Türkiyədə Emre yerini Gökhan Töreyə verir

82. Törenin zərbəsi türklərə korner qazandırır

83. Subaşiçin zərbəsi qapıçıda qalır

84. Yılmazdan çox təhlükəli zərbə: Kamran yerindədi

85. Elşən Məmmədovun əvəzində meydana Arif İsayev çıxır

87. Türkiyə millisində isə Burak Yılmazı Umut Bulut əvəzləyir

90. Matçın əsas vaxtına 3 dəqiqə əlavə olunur

90+2. İkili mübarizədə Sabrinin dizi Ufukun başını partladır

90+3. Ufukun əvəzində meydana Rahid Əmirquliyev çıxır

Matç başa çatdı

 

Almaniya	10	10	0	0	34	7	30
Türkiyə	10	5	2	3	13	11	17
Belçika	10	4	3	3	21	15	15
Avstriya	10	3	3	4	16	17	12
Azərbaycan	10	2	1	7	10	26	7
Qazaxıstan	10	1	1	8	6	24	4