10 oktyabr 2011 11:29
Mahir Şükürov: Türkiyəni məğlub da edə bilərik, heç-heçə də
Futbol üzrə Azərbaycan yığmasının müdafiəçisi Mahir Şükürov azerisport.az saytına müsahibəsində oktyabrın 11-də keçiriləcək Türkiyə ilə oyun barədə fikirlərini bölüşüb, eləcə də Avstriyaya məğlubiyyətdən (1:4) danışıb.
- Yəqin ki, Avstriyaya məğlubiyyət Türkiyə ilə oyun ərəfəsində daha çox mənfi təsiri ilə yadda qaldı...
- Türkiyə ilə oyun ərəfəsində bu, nail ola biləcəyimiz ən pis nəticə idi. Amma bu, futboldu. Çalışacağıq İstanbuldakı oyunda müsbət nəticə qazanaq.
- Amma bu dəfə daha çətin olacaq. Özü də təkcə oyun planında yox...
- Təbii ki, o yenilgi komandadakı əhval-ruhiyyəyə təsirsiz ötüşməyib. Amma buna baxmayaraq, biz toparlanmağa və Türkiyə ilə oyuna köklənməyə borcluyuq. Qarşıda bizi heç də adi olmayan oyun gözləyir.
- Bu qarşılaşmada nəyə ümid edirsiz?
- Futbolda hər şey mümkündü. Düzdü, biz uduza bilərik. Amma həmçinin qələbə qazana və ya heç-heçə də edə bilərik. Çalışacağıq ki, yaxşı oyun göstərək.
- Avstriya ilə oyun barədə nə deyərdiz?
- Oyuna ciddi hazırlaşmışdıq. Özümüzü yaxşı tərəfdən göstərmək istəyirdik. Amma qırmız vərəqə öz sözünü dedi. Bundan sonra rəqib qarşısında nəsə etmək çox çətin idi. Fikrimcə, kimisə xüsusi olaraq günahlandırmamalıyıq. Bütün komanda məğlub olub.
- Amma qırmızı vərəqəyə kimi də yaxşı oynadığımızı deyə bilmərik...
- Bəli, eləydi. Amma məhz azlıqda qaldıqdan sonra bizim üçün hər şey daha pis məcrada davam etməyə başladı. Oyunun qırılma nöqtəsi də o oldu və ardıcıl qollar buraxmağa başladıq.
- Artıq 0:2-dən sonra azarkeşlər meydanı tərk etməyə başlamışdılar...
- Artıq 0:2-dən sonra azarkeşlər meydanı tərk etməyə başlamışdılar...
- Bilirsiz, hərdən özümüz də görürük ki, məsələn Avropa çempionatlarında komanda 0:2, 0:3, hətta 0:4 hesabıyla uduzur, amma azarkeşləri sona kimi onları dəstəkləyirlər. Sona qədər futbolçularıyla birgə olurlar. Amma digər tərəfdən azarkeşləri günahlandırmaq da düzgün çıxmır. Sadəcə, sona kimi dəstəklənməyin daha düzgün olduğunu düşünürəm.
- Matçı kənardan izləmək çətin deyildi ki?
- Düzünü deyim, elə anlar olurdu ki, az qala meydana qaçmaq istəyirdim. Amma dostlarım məni tutub saxlayırdılar
- Düzünü deyim, elə anlar olurdu ki, az qala meydana qaçmaq istəyirdim. Amma dostlarım məni tutub saxlayırdılar
