11 oktyabr 2011 13:20
AFFA futbolçuya 4, klub rəsmisinə 5 oyunluq cəza kəsdi
Xəbər verdiyimiz kimi, bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələr nəticəsində yalnız birinci divizionun son turunda baş verən olaylarla bağlı aşağıdakı qərarlar qəbul edilib:
Azərbaycan birinci divizionunun 5-ci turunun “Qaradağ Lökbatan” – “Şəmkir” matçında “Qaradağ Lökbatan”ın 4 futbolçusu sarı vərəqə ilə cəzalandığı üçün klub 100 manat cərimə olunub. Oyunun 24-cü dəqiqəsində “Şəmkir”in məşqçisi Vüqar Əliyev hakimə etiraz etdiyinə görə texniki zonadan kənarlaşdırıldığı üçün məşqçi 1 oyunluq cəzalanıb, klubu 100 manat cərimə olunub.
“Karvan” – “Lokomotiv” matçının 66-cı dəqiqəsində “Lokomotiv”in futbolçusu Orxan Əsədov sonuncu ümid foulna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
“Həkəri” – “Şahdağ” matçının 80-cı dəqiqəsində “Şahdağ”ın futbolçusu Sina Nəcəfian sonuncu ümid foulna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
“Energetik” – MOİK matçında “Energetik”in 4 futbolçusu sarı vərəqə ilə cəzalandığı üçün klub 100 manat cərimə olunub. Oyunun 90+4-cü dəqiqəsində “Energetik”in futbolçusu Zamir Cəlilov kobud oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
“Neftçala” – “Tərəqqi” matçının 89-cu dəqiqəsində “Tərəqi”nin inzibatçısı Ceyhun Məmmədov hakimləri təhqir etdiyinə görə texniki zonadan kənarlaşdırıldılğı üçün 5 oyunluq cəzalanıb, klubu 500 manat cərimə olunub. Oyunun 90+1-ci dəqiqəsində “Tərəqqi”nin futbolçusu Rövşən Vəliyev hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunuluq cəzalanıb, klubu 400 manat cərimə olunub.
“Bakıllı” – “Göyəzən” matçının 73-cü dəqiqəsində “Göyəzən”in məşqçisi Elxan Muradov hakimə etiraz etdiyinə görə texniki zonadan kənarlaşdırıldığı üçün 1 oyunluq cəzalanıb, klubu 100 manat cərimə olunub.
