11 oktyabr 2011 16:14
AZAL növbəti tura itkilərlə hazırlaşır
“Milli komandaların oyunları ilə əlaqədar yaranmış fasilədən istifadə edib ”Bakılı” ilə yoldaşlıq görüşü keçirməyi planlaşdırırdıq. Lakin son anda “Bakılı” oyundan imtina etdi. Biz də öz əvəzedici heyətimizlə yoldaşlıq oyunu keçirdik”.
Azerisport.az xəbər verir ki, bu sözləri PFL-in rəsmi saytına verdiyi açıqlamada AZAL-ın mətbuat xidmətinin rəhbəri Eldəniz Yusifov deyib. O, daha sonra bunları vurğulayıb:
“Turan”la oyuna ciddi hazırlaşırıq. Tovuzdan üç xal ilə dönməyi qarşımıza məqsəd qoymuşuq. Artıq təlim-məşq toplanışına da başlamışıq. Aqil Nəbiyev və Ervin Bulkunun zədəsi hələ də sağalmayıb. Müdafiəçi Robert Petrov və yarımmüdafiəçi Bronislav Arsenyeviç isə əvəzedici heyətə göndərilib. Hücumçu Elşən Məmmədov əsas milli komandanın düşərgəsindədi”.
