12 oktyabr 2011 02:17
Simurqun futbolçusu darmadağına üzüldü
"Simurq"un futbolçusu Robertas Poşkus darmadağına məruz qalıb. Azerisport.az xəbər verir ki, Zaqatala klubunun hücumçusu Avropa çempionatının seçmə mərhələ oyununda böyükhesablı məğlubiyyətə üzülüb.
Poşkusun çıxış etdiyi Litva yığması ötən gün Çexiyanın qonağı olub. Qrup ikinciliyi uğrunda yarışan çexlər litvalıları 4:1 hesabı ilə yenib.
Nəticədə Çexiya qrupda ikinci pilləni tutub. Litva isə 5 xalla qrup dördüncüsü olub.
Litva yığmasının baş məşqçisi Raymondas Jutautas Poşkusa start heyətində şans verib. "Simurq"un futbolçusunu 57-ci dəqiqədə Mindauqas Panka əvəzləyib.
