12 oktyabr 2011 14:15
Seçmə mərhələnin bombardiri müəyyənləşdi
AÇ-2012-nin seçmə qrup mərhələsinin bombardiri müəyyənləşib. Azerisport.az xəbər verir ki, dünən keçirilən son turun oyunlarından sonra qrup matçlarının ən sərrast futbolçusunun adına aydınlıq gəlib.
Hollandiya milli komandasının hücumçusu Klas-Yan Huntelaar ən məhsuldar futbolçu olub. Almaniyanın "Schalke" klubunda çıxış edən futbolçu seçmə mərhələdə 12 qol vuraraq, hamını qabaqlayıb.
Qeyd edək ki, Huntelaar əvvəllər Hollandiyanın PSV, "Ajax", İspaniyanın "Real" və İtaliyanın "Milan" klublarında çıxış edib. 2004-cü ildən "Schalke"nin formasını geyinən futbolçu Hollandiya yığmasında keçirdiyi 48 oyunda 30 qol vurub.
Huntelaarı 9 qolla Almaniya yığmasından Miroslav Kloze və 7 qolu olan ispaniyalı David Vilya izləyir.
Sonda onu da əlavə edək ki, yığmamızın bu seçmə mərhələdəki bombardirlərinin hesabında cəmi 2 qol var. Belə ki, həm Vaqif Cavadov, həm Vüqar Nadirov, həm də Rauf Əliyev hərəyə 2 dəfə rəqib qapılarına yol tapa bildi. Sadəcə, Vaqif bunu 9, Vüqar 8, Rauf isə 7 oyuna bacarıb.
