12 oktyabr 2011 16:34
Rıdvan Dilməndən millimizin oyununda böyük yanlışlıq
Türkiyənin “NTV Spor” kanalından tanıdığımız futbol şərhçisi, keçmiş futbolçu Rıdvan Dilmən ötən gün keçirilən AÇ-2012-nin seçmə mərhələsinin Azərbaycanla oyununda növbəti yanlışlığa yol verməklə diqqət mərkəzinə düşüb. Azerisport.az xəbər verir ki, o, qarşılaşmanın gedişində Türkiyənin avrokuboklardakı yeganə təmsilçisi kimi “Beşiktaş”ın adını çəkib.
Lakin Dilmən Çempionlar Liqasında çıxış edən “Trabzonspor”u unudub. Bu isə təbii ki, sözügedən klubun düşərgəsində ciddi narazılığa səbəb olub. Trabzon klubu bəyanat yayaraq, həm şərhçinin, həm də sözügedən tekekanalın rəsmi qaydada canlı yayımda üzr istəməsini tələb edib və Dilməni kəskin şəkildə qınayıb.
Qeyd edək ki, Rıdvan Dilmən bundan dörd gün öncə keçirilən Almaniya ilə ev oyununda da canlı yayımı tərk etməsiylə diqqət mərkəzinə düşmüşdü. O, bu addımına görə məhz Türkiyə - Azərbaycan görüşünün startında üzr istəmişdi. Amma göründüyü kimi, Dilmən bir səhvini düzəltdiyi halda, digərini edib.
