12 oktyabr 2011 11:29
Elnur Allahverdiyev: Əsas heyətə layiq deyiləmsə, çağırmasınlar
Futbol üzrə yığma komandamızın müdafiəçisi Elnur Allahverdiyev AÇ-2012-nin seçmə mərhələsinin Türkiyə ilə son oyununun ardından azerisport.az saytının suallarını cavablayıb.
- Siz matçda iştirak etməsəz də, komanda getdiyi halda stadionda qalmışdınız. Niyə?
- Mən Mahir Şükürovu gözləyirdim. Onunla dopinq-testə getməliydik. Biz başqa maşınla gedəcəkdik.
- Mən Mahir Şükürovu gözləyirdim. Onunla dopinq-testə getməliydik. Biz başqa maşınla gedəcəkdik.
- Niyə ehtiyatda qaldınız?
- Bilmirəm. Baş məşqçi belə qərar vermişdi.
- Bilmirəm. Baş məşqçi belə qərar vermişdi.
- Onun bu qərarını necə qəbul etdiniz?
- Sizə belə cavab verim: neçə ildi yığmada çıxış edirəm, zədələnirəm. Əgər görsəm ki, yığmaya xeyir verə bilmirəm, xahiş edəcəm ki, daha məni çağırmasınlar.
- Bununla nə demək istəyirsiz?
- Əgər məni əsas heyətdə meydana buraxmırlarsa, nəyə lazımam? Mən ehtiyatda oturmaq istəmirəm. Bu, mənlik deyil. Buna görə də məsələni Berti Foqtsla müzakirə etmək istəyirəm.
- Əgər məni əsas heyətdə meydana buraxmırlarsa, nəyə lazımam? Mən ehtiyatda oturmaq istəmirəm. Bu, mənlik deyil. Buna görə də məsələni Berti Foqtsla müzakirə etmək istəyirəm.
- Qorxmursuz ki, Vaqif Cavadovun taleyini yaşayarsız?
- Mən yığmadan imtina etmirəm. Mən sadəcə onu demək istəyirəm ki, əgər əsas heyətdə meydana çıxmyacağamsa, heç çağırmaq da lazım deyil. Bilirsiz, mən görsəm ki, zəifəm, uduzuram, yaş artır, bunu özüm Foqtsa deyərəm.
- Elnur, belə çıxmır ki, siz almanla müqavilənin artırılmasının əleyhinəsiz?
- Qətiyyən. Mən həmişə istəmişəm ki, o, yığmada qalsın. O, Azərbaycan yığmasına çox fayda verib.
- Amma siz deyirsiz ki, o, haqqınızı tapdalayır...
- Mən demədim ki, Foqts mənim haqqımı tapdalayır. Sadəcə, ehtiyatda oturmalı olmadığımı düşünürəm. Özü də tək mən yox. Baxın görün Türkiyə ilə oyunda nə qədər futbolçu öz mövqeyində çıxış etmirdi. Onlar belə faydalı ola bilərlər? Rəşad Sadiqov, Rahid Əmirquliyev kimi futbolçular ehtiyatda qalırlar. Amma həmin mövqedə tam fərqli futbolçulara yer verilir.
- Demək olar ki, siz də Vaqifə haqq qazandırmış olursuz? Yeri gəlmişkən, onun imtinasını necə qiymətləndirirsiz?
- Cavadovun addımını müzakirə edə bilmərəm. Hər kəsin öz həyatı, qərarları olur.
- Cavadovun addımını müzakirə edə bilmərəm. Hər kəsin öz həyatı, qərarları olur.
- Ufuk Budağın çıxışını necə qiymətləndirirsiz?
- Jurnalistsiz, buna siz qiymət verin. O, gəncdi. Hələ çox oynamalıdı. Amma futbolda elə anlar var ki, orda təcrübəlilərə şans vermək lazımdı.
- Jurnalistsiz, buna siz qiymət verin. O, gəncdi. Hələ çox oynamalıdı. Amma futbolda elə anlar var ki, orda təcrübəlilərə şans vermək lazımdı.
