13 oktyabr 2011 13:02
Rıdvan Dilmən: Azərbaycanla oyunda fikrim tamamilə dağınıq idi
AÇ-2012-nin seçmə mərhələsi çərçivəsindən oktyabrın 11-də keçirilən Türkiyə - Azərbaycan matçının “NTV Spor”dakı şərhçilərindən biri Rıdvan Dilmənin kobud səhvə yol verdiyini bildirmişdik. Azerisport.az xəbər verir ki, o, Türkiyənin avrokuboklardakı yeganə təmsilçisinin “Beşiktaş” olduğunu dilə gətirərkən, “Trabzonspor”u yaddan çıxarmışdı və bu üzdən sözügedən klub rəhbərliyinin kəskin etirazı və tənqidləri ilə üzləşmişdi.
O, artıq qarşı tərəfin tələbi üzrə üzr istəyib və vəziyyətə aydınlıq gətirib: “Trabzonspor”un açıqlamasına çox üzüldüm. “Trabzonspor” camiəsindən üzr diləyirəm. Həmin anda fikrim tamamilə dağınıq idi və o anı heç xatırlamıram da. Mənim “Trabzonspor”a qarşı heç bir qərəzim yoxdu. Mən kiməm ki, “Trabzonspor”un önünə keçəm, görməməzlik edəm? Mən eşşəyəm ki, bu qədər axmaq bir rəftar edəm?”
