13 oktyabr 2011 15:37
"Berti Foqtsun məni əvəzləməsində heç bir problem görmürəm"
Futbol üzrə yığma komandamızın yarımmüdafiəçisi Əfran İsmayılov AÇ-2012-nin seçmə mərhələsindəki sonuncu oyunumuzdan – Türkiyə ilə qarşılaşmadan (0:1) sonra azerisport.az saytının suallarını cavablandırıb.
- İstanbuldakı məğlubiyyətlə bağlı nə deyərdiz?
- Türkiyəyə bizimlə oyunda qələbə çox lazım olsa da, biz İstanbula onlara xal hədiyyə etməyə getməmişdik. Biz özümüz də bir xal qazanmaq istəyirdik. Daha dəqiqi heç-heçə etmək istəyirdik ki, Almaniya da Belçikanı yenəcəyi halda, türklər də AÇ-də pley-offa vəsiqə qazana bilsinlər. Amma təəssüf ki, biz öz istəyimizə nail ola bilmədik. Hər halda nə oldusa, keçmişdə qaldı. Türkiyə millisinə pley-off mərhələsində və Avropa çempionatında uğurlar arzulayıram.
- Türkiyəyə bizimlə oyunda qələbə çox lazım olsa da, biz İstanbula onlara xal hədiyyə etməyə getməmişdik. Biz özümüz də bir xal qazanmaq istəyirdik. Daha dəqiqi heç-heçə etmək istəyirdik ki, Almaniya da Belçikanı yenəcəyi halda, türklər də AÇ-də pley-offa vəsiqə qazana bilsinlər. Amma təəssüf ki, biz öz istəyimizə nail ola bilmədik. Hər halda nə oldusa, keçmişdə qaldı. Türkiyə millisinə pley-off mərhələsində və Avropa çempionatında uğurlar arzulayıram.
- Bu oyunda komandamız çox dişsiz görünürdü. Sizcə, bu, nə ilə bağlıydı?
- Heç nə alınmırdı. Çünki taktikamızı müdafiəyəmeylli seçmişdik. Meydanda hücumameylli cəmi 3 futbolçu var idi. Buna görə də, həm Vüqar Nadirovda, həm Branimir Subaşiçdə, həm də məndə heç nə alınmadı. Təbii ki, arxa xəttin dəstəyi olmadan bizə ön xəttdə çox çətin idi.
- Heç nə alınmırdı. Çünki taktikamızı müdafiəyəmeylli seçmişdik. Meydanda hücumameylli cəmi 3 futbolçu var idi. Buna görə də, həm Vüqar Nadirovda, həm Branimir Subaşiçdə, həm də məndə heç nə alınmadı. Təbii ki, arxa xəttin dəstəyi olmadan bizə ön xəttdə çox çətin idi.
- Subaşiçlə aranızda anlaşma da yüksək səviyyədə deyildi...
- Əgər Qazaxıstanla sentyabrdakı oyunda bir neçə dəqiqə birgə oynamağımızı nəzərə almasaq, Subaşiçlə heç vaxt bir komandada çıxış etməmişəm. Buna görə də aramızda anlaşmanın olmaması təəccüblü deyildi. Bizim təsadüfi hücumlarımız zamanı da Subaşiçdən başqa heç kim olmurdu ki, normal ötürmə edəsən. Özü də rəqibin 2-3 futbolçusunun arasında.
- Çoxları deyir ki, Əfran yığmada və klubda heç də eyni səviyyədə çıxış etmir...
- Özünüz də bilirsiz ki, yığmada biz daha çox müdafiədən oynayırıq. Rəqiblərimizin kimliyini nəzərə alsaq, bu, başadüşüləndi. Belədə, hücumlara da təsadüfi hallarda qoşuluruq. Buna görə də mənə qarşıda heç də həmişə komfort yaranmır. Özü də tək mənə yox, ümumiyyətlə hücum planlı oyunçularımızın hamısına. “Qarabağ”da orta sahədə oynayan Rəşad Sadiqovdan hücuma çox dəstək olur. Amma yığmada daha çox Aleksandr Çertoqanov həmin mövqedə oynayır ki, o da əsasən müdafiə yönümlü futbolçudu.
- Türkiyə ilə oyundan sonra Elnur Allahverdiyev yığmada ehtiyatda qalmasına etirazını dilə gətirdi. Siz isə ilk yarıdan sonra Elşən Məmmədovla əvəzləndiniz. Siz də baş məşqçinin bu qərarından narazısız?
- Bu, mənim üçün elə də vacib deyil. Baş məşqçi oyunu necə görürsə, elə də edir. Əgər o, hesab edirsə ki, meydanda kimisə əvəzləmək lazımdı, deməli, lazımdı. O, bizim baş məşqçimizdi və biz də onun tapşırıqlarını həyata keçirməyə borcluyuq. Şəxsən mən belə şeylərin əleyhinəyəm ki, baş məşqçi niyə məni meydana buraxmadı, niyə əvəzlədi. Mən Foqts tərəfindən əvəzlənməyimdə heç bir problem görmürəm. Görünür belə də lazım idi.
- Bu, mənim üçün elə də vacib deyil. Baş məşqçi oyunu necə görürsə, elə də edir. Əgər o, hesab edirsə ki, meydanda kimisə əvəzləmək lazımdı, deməli, lazımdı. O, bizim baş məşqçimizdi və biz də onun tapşırıqlarını həyata keçirməyə borcluyuq. Şəxsən mən belə şeylərin əleyhinəyəm ki, baş məşqçi niyə məni meydana buraxmadı, niyə əvəzlədi. Mən Foqts tərəfindən əvəzlənməyimdə heç bir problem görmürəm. Görünür belə də lazım idi.
- Bu həftə çempionatın oyunları başlayır. Artıq “Qarabağ”ın hazırlıqlarına qoşulmusuz?
- Bu gündən hazırlıqlara başlamışıq. Növbəti oyuna hazırlaşırıq. “Rəvan”la oynayacağıq ki, bu komanda da yaxşı futbol sərgiləyir. Debütant olsalar da, əla təsir bağışlayırlar. Bu komanda “Xəzər Lənkəran”dan xal alıb, “Qəbələ”ni səfərdə yenib. Deməli, adi komanda deyil.
- Bu gündən hazırlıqlara başlamışıq. Növbəti oyuna hazırlaşırıq. “Rəvan”la oynayacağıq ki, bu komanda da yaxşı futbol sərgiləyir. Debütant olsalar da, əla təsir bağışlayırlar. Bu komanda “Xəzər Lənkəran”dan xal alıb, “Qəbələ”ni səfərdə yenib. Deməli, adi komanda deyil.
