13 oktyabr 2011 12:34
Azərbaycan Kiprlə qarşılaşası olmadı
Futbol üzrə Azərbaycan və Kipr yığmaları arasında planlaşdırılan yoldaşlıq oyunu baş tutmayacaq. Azerisport.az xəbər verir ki, xeyli müddətdi bu yöndə aparılan danışıqlar uğursuzluqla nəticələnib.
Qeyd edək ki, bu barədə danışıqlara ötən ay Kiprdə UEFA-nın üzvü olan milli assosiasiyaların baş katiblərinin iştirakı ilə keçirilən seminar zamanı başlanılmışdı. Həmin vaxt AFFA-nın baş katibi Elxan Məmmədov saytımıza açıqamasında bildirmişdi ki, Kiprlə yoldaşlıq oyunu barədə ilkin razılaşma əldə olunub.
Razılığa əsasən yığmamız noyabrın 15-də Kiprlə qarşılaşmalıydı. Amma son anda nədənsə tərəflər tam razılıq əldə edə bilməyiblər. Beləcə, sözügedən qarşılaşma da baş tutmayacaq.
Qeyd edək ki, Berti Foqts komandamızı noyabrın 11-də Albaniya ilə səfər matçına çıxarmalıdı.
