AZAL azlıqda qalan Turanı məğlub edə bilmədi (YENİLƏNİB)

Bu gün futbol üzrə Azərbaycan Premyer Liqasında 9-cu tura start verilib. Azerisport.az xəbər verir ki, hesabat turunun ilk oyun günündə cəmi qarşılaşma keçirilib.

 

“Turan” doğma meydanda AZAL-ı qəbul edib. Son dörd turda qələbə qazana bilməyən AZAL səfər oyununda uğursuz seriyaya son qoymağı hədəfləmişdi. Paytaxt təmsilçisi ilə müqayisədə son dörd turda ard-arda məğlubiyyətlərlə üzləşən “Turan” da bu uğursuz gedişə son qoymaq istəyində idi.

 

Qarşılaşma daha çox AZAL-ın üstünlüyü şəraitində keçib. Qarşılaşmanın 44-cü dəqiqəsində meydan sahibləri azlıqda qalıblar.Amma buna baxmayaraq, "təyyarəçilər" şanslarından yararlana bilməyiblər. Beləcə, matç başladığı kimi də başa çatıb.

 

Premyer Liqa

9-cu tur

15 oktyabr (şənbə)

 

TURAN - AZAL - 0:0 (0:0)

Hakimlər: Ramil Diniyev, Rahil Ramazanov, Knyaz Əmiraslanov, Fariz Yusifov.

Tovuz. Şəhər stadionu.

 

Oyun başladı

AZAL qarşılaşmaya daha fəal başlayıb

Meydan sahiblərinin təhlükəli əks-hücumu zamanı Sergey Artyuxun zərbəsi qapıdan aralı keçir

Tovuzluların çalışdırıcısı Əsgər Abdullayev ilk dəfə keçmiş komandasına qarşı mübarizə aparır. Görək, o, bu mübarizədən necə ayrılacaq?

AZAL-ın futbolçusu Mindauqas Daunoraviçyus zədələnir və ona meydandan kənarda tibbi yardım göstərilməsinə ehtiyac duyulur

Beriaşvili qonaqları cəzalandırmaq şansına malik olsa da, zərbəsi dəqiq alınmır

"Turan"ın qapısı qarşısında təhlükəli vəziyyət yaransa da, qapıya son zərbəni endirən tapılmır

Oyun əsasən meydanın mərkəzində davam edir

Boqyu AZAL-ı hesabda önə keçirməyə yaxın olsa da, yararlana bilmir

Beriaşvili 44-cü dəqiqədə qırmızı vərəqə alaraq komandasını azlıqda qoyur

Birinci hissə başa çatdı

İkinci hissə başladı

Fasilədən sonra da fəal olan tərəf AZAL-dı

"Turan" ancaq əks-hücumlara bel bağlayır

AZAL hücumlarının sayını getdikcə artırsa da, nəticəsizdi

Boqyu rəqib qapıçı ilə mübarizədən qalib ayrıla bilmir

Yasin Abbasov meydan sahiblərinin hücumunu qeyri-dəqiq zərbə ilə tamamlayır

Qapı dirəyi "Turan"ı qoldan xilas edir

AZAL tamamilə rəqibi qapısın sıxışdırsa da, qol vurmaq cəhdləri faydasızdı

Boqyu yüz faizli qol şansını əldən verir

Matç başa çatdı

 

 

Qeyd edək ki, turun qalan görüşləri sabah keçiriləcək: Sumqayıt Şəhər – Bakı, Qəbələ - Kəpəz, Neftçi – İnter, Rəvan – Qarabağ, Xəzər Lənkəran – Simurq.

 

1	Xəzər Lənkəran	8	6	1	1	13-5	19
2	Neftçi	7	5	0	2	11-5	15
3	İnter	8	4	2	2	6-5	14
4	Qarabağ	7	4	1	2	9-5	13
5	Bakı	8	3	3	2	8-6	12
6	Kəpəz	8	3	2	3	14-13	11
7	Qəbələ	8	3	2	3	9-10	11
8	AZAL	9	2	4	3	10-12	10
9	Rəvan	8	2	3	3	10-11	9
10	Simurq	8	2	2	4	7-10	8
11	Turan	9	2	1	6	7-13	7
12	Sumqayıt Şəhər	8	0	3	5	3-12	3