16 oktyabr 2011 11:43
Beşiktaşlı futbolçunun burnunu qırdılar
Türkiyə Superliqasının 6-cı turunun “Kayserispor”la ev oyunu “Beşiktaş”a ağır başa gəlib. Azerisport.az xəbər verir ki, İstanbul təmsilçisi doğma meydanda məğlubiyyətlə üzləşməsi azmış kimi, ciddi itkilərlə də üzləşib.
Belə ki, matçın ikinci yarısında “Kayserispor”un qapıçısı Gökhan Değirmençi ilə toqquşan İbrahim Toraman yerdə qalıb. Həkimlərin müdaxiləsindən sonra onun burnunun qırıldığı və oyuna davam edəcəyi müəyyənləşib.
Vəziyyəti ciddi olan Toramanın sabah əməliyyat olunacağı bildirilir. Onun ən azı bir ay yaşıl meydanlardan kənarda qalacağı istisna olunmur.
Maraq üçün qeyd edək ki, həmin vaxt dəyişiklik haqqı da olmayan “Beşiktaş” məhz İbrahim Toramanın meydandan çıxmasından sonra 10 nəfərlə qalmış və qapısına ikinci qolu görmüşdü. İbrahimdən əlavə bu oyunda “qara qartallar”ın qapıçısı Rüştü Reçber də zədələnərək yerini Cenk Gönenə buraxmışdı. Sonda bu qarşılaşmanın 0:2 hesabıyla "Kayserispor"un xeyrinə başa çatdığını da qeyd edək.
