17 oktyabr 2011 11:38
Alessandro Viana: Əminəm ki, XL kifayət qədər xal itirəcək
“Neftçi”nin müdafiəçisi Alessandro Viana Premyer Liqanın 9-cu turunun “İnter”lə oyunundan sonra azerisport.az saytının suallarını cavablandırıb.
- “İnter”ə məğlubiyyətiniz bir qədər gözlənilməz alındı...
- Qələbə qazanmaq üçün hər şeyi etdik, amma sonda heç nə qazana bilmədik. Halbuki, oyuna kimi heç-heçə barədə belə düşünmürdük. Biz anca qələbəyə oynayırdıq.
- Bəs sizə bu qələbəni qazanmağa nə mane oldu?
- Müdafiədə bir səhv buraxdıq və rəqib də bundan yararlandı. Amma ona qədər biz nə qədər qol vəziyyəti yaratmışdıq. Qol vurmaq lazım idi. “İnter” ilk dəqiqələrdən öz qapısı qarşısında oturmuşdu və ancaq əks-hücum haqda düşünürdü. Halbuki, heç onu da yaratmırdı.
- Müdafiədə bir səhv buraxdıq və rəqib də bundan yararlandı. Amma ona qədər biz nə qədər qol vəziyyəti yaratmışdıq. Qol vurmaq lazım idi. “İnter” ilk dəqiqələrdən öz qapısı qarşısında oturmuşdu və ancaq əks-hücum haqda düşünürdü. Halbuki, heç onu da yaratmırdı.
- Artıq üçüncü məğlubiyyətinizi aldınız. Çox deyilmi?
- Premyer Liqada hadisələrin inkişafını nəzərə alsaq, bu, heç də pis göstərici deyil.
- Premyer Liqada hadisələrin inkişafını nəzərə alsaq, bu, heç də pis göstərici deyil.
- “Neftçi” heç-heçə etməyən yeganə komandadı...
- Bu, o deməkdi ki, rəqiblərimiz bizimlə oyunlarda ya məğlubiyyətə, ya da qələbəyə hazır olmalıdılar (gülür). Amma mən bunu ciddiyə almıram. Mümkündü ki, elə yaxın turlarda biz də heç-heçə edək. Baxmayaraq ki, qarşıdakı oyunlarda ancaq qələbə qazanmağımızı istəyirəm.
- Məğlubiyyətiniz “Xəzər Lənkəran”ın zirvədə daha da möhkəmlənməsinə şərait yaratdı...
- Burda qorxulu heç nə yoxdu. Mən əminəm ki, lider kifayət qədər xal itkisi ilə üzləşəcək ki, ona çatmaq mümkün olsun.
- Bəs siz onları qabaqlayacaq qədər xal toplaya biləcəksizmi?
- Digərlərini deyə bilmərəm, amma biz buna borcluyuq. Komanda oyunumuz var. Qalır sadəcə xal ehtiyatımızı artırmaq.
