18 oktyabr 2011 15:30
Nansinin yetirməsi Bakı İnterini təriflədi
“İnter”in yeni futbolçusu İbrahima Niasse öz karyerası və "İnter"ə keçidi barədə danışıb. Azerisport.az xəbər verir ki, o, müsahibəsində bunları dilə gətirib:
- Öncə karyeran barədə öyrənmək istərdik. Hansı klublarda oynamısan?
- Mənim birinci klubum doğma Seneqalın komandası idi. O vaxt mən Seneqalın U-17 yığmasının da formasını geyinirdim. Bundan sonra Fransaya yolladım və "Nancy" klubuyla ilk peşəkar müqavilə imzaladım. Burada iki il keçirdim və ondan sonra İsveçrənin "Xamax" komandasına keçdim. Karyeramın axırıncı üç mövsümünü elə bu komandada keçirdim.
- "İnter"ə keçidin necə oldu?
- Mənim menecirim buranı təklif etdi. Buraya gələndə şəhərdən və komandadan çox xoşum gəldi. "Xamax" klubuyla olan müqaviləm artıq bitmişdi və "İnter"ə keçmək üçün artıq heç bir maneə qalmamışdı. Beləliklə, mən yenidən Bakıya gəldim və bu klubla müqavilə imzaladım. Yenə təkrar edirəm ki, şəhəriniz çox xoşuma gəldi. Ümid edirəm ki, burada oynamaq mənim karyeramda mühüm mərhələ olacaq.
- Sənin üçün yeni olan "İnter" barədə nə deyə bilərdin?
- "İnter" çox yaxşı komandadı. Burada hər şey xoşuma gəlir. Komanda məşqçilərinin futbolçulara keçdiyi məşqləri çox bəyəndim. Bu məşqlər daim təkmilləşməyə təkan verir. Mən özümdə artıq bu artımı görürəm. (klubun rəsmi saytı)
