18 oktyabr 2011 11:28
İbekoyi: Turanla səfərdə heç-heçəni qənaətbəxş sayıram
AZAL-ın hücumçusu Viktor İbekoyi Premyer Liqanın 9-cu turunun “Turan”la oyunundan (0:0) sonra azerisport.az saytının suallarını cavablandırıb. O, öncə Tovuzdakı oyunla bağlı fikirlərini açıqlayıb:
“Oyun kifayət qədər ağır alındı. Rəqibimiz yaxşı müqavimət göstərdi, özü də qol vurmağa çalışırdı. Düzünü desəm, Tovuzda heç-heçə etməyimizi ən pis nəticə saymıram. Əgər daha çox qol vəziyyəti yaratdığımızı nəzərə alsaq, bütövlükdə yaxşı oynadıq. Amma AZAL-ın potensialı daha artığını əldə etməyə də imkan verir”.
“Oyun kifayət qədər ağır alındı. Rəqibimiz yaxşı müqavimət göstərdi, özü də qol vurmağa çalışırdı. Düzünü desəm, Tovuzda heç-heçə etməyimizi ən pis nəticə saymıram. Əgər daha çox qol vəziyyəti yaratdığımızı nəzərə alsaq, bütövlükdə yaxşı oynadıq. Amma AZAL-ın potensialı daha artığını əldə etməyə də imkan verir”.
İbekoyinin sözlərinə görə, onların bu oyun üçün əsas hədəfləri qələbə imiş: “Dediyim kimi, heç-heçəni qənaətbəxş nəticə saymaq olar. Əsas odu ki, uduzmadıq. Amma biz qələbə qazanmağı çox istəyirdik. Çünki bu, bizim əsas hədəfimiz idi”.
Nigeriyalı legioner rəqib komandanın bir hissə azlıqda oynamasından yararlana bilməmələrinə də toxunub: “Rəqibin 10 nəfərlə qalmasına baxmayaraq, təəssüf ki, bundan yararlana bilmədik. “Turan” yaxşı oynadı. Bunu onların 10 nəfərlə qol buraxmamaları da bir daha sübut etdi”.
İbekoyi bəxtsizlikdən də şikayətlənib: “Fikrimcə, hardasa bəxtimiz də gətirmədi. Hücumlarımızı qurmaqda da çətinlik çəkirdik. Çünki meydanın vəziyyəti buna imkan vermirdi. Rəqib isə orda oynamağa artıq alışıb”.
AZAL-ın futbolçusu sonda qarşıdakı turun “Rəvan”la oyununa da toxunub: “Əlbəttə, “Rəvan” heç də sıradan rəqib deyil. Ən azı ona görə ki, hər komanda səfərdə “Qəbələ”ni məğlub edə bilməzdi. Ümumiyyətlə, Azərbaycan çempionatında heç vaxt bilmək olmur ki, rəqibin qarşıdakı oyunda nə edəcək. İstənilən an zəif komanda daha güclünü məğlub edə bilər. Buna görə də qarşıdakı oyun haqda öncədən nəsə danışmağa dəymir”.
