20 oktyabr 2011 13:38
“O iki oyunda 10 qol vurmalıydıq”
“Qarabağ”ın müdafiəçisi Maksim Medvedev azerisport.az saytına müsahibəsində komandasının qarşıdan gələn “Simurq”la oyunundan, eləcə də komandasının durumundan danışıb. O, öncə bunları dilə gətirib:
“Həqiqətən də zaqatalalılar son turlarda çox artırıblar. Baxmayaraq ki, bu, onların xal ehtiyatında o qədər də hiss olunmur, bunu hamı bilir. Ümumiyyətlə, “Simurq” da “Rəvan” kimi sürpriz komandadı. Onlardan hər şey gözləmək olar. Ona görə də biz bu oyunda hər şeyə hazır olmalıyıq. Xal itirməməliyik. Zaqatalaya ancaq qələbə üçün gedirik”.
“Həqiqətən də zaqatalalılar son turlarda çox artırıblar. Baxmayaraq ki, bu, onların xal ehtiyatında o qədər də hiss olunmur, bunu hamı bilir. Ümumiyyətlə, “Simurq” da “Rəvan” kimi sürpriz komandadı. Onlardan hər şey gözləmək olar. Ona görə də biz bu oyunda hər şeyə hazır olmalıyıq. Xal itirməməliyik. Zaqatalaya ancaq qələbə üçün gedirik”.
Medvedev komandasının yaratdığı çoxsaylı qol vəziyyətlərindən yararlana bilməməsinə də münasibətini açıqlayıb: “Özüm də bilmirəm, bunun səbəbi nədi. Artıq neçənci oyundu ki, belə problemlərlə üzləşirik. Top sadəcə, tora getmək istəmir. “Sumqayıt Şəhər”lə oyunda da beləydi, “Rəvan”la oyunda da elə oldu. Əgər hamısını hesablasaq, bəlkə də bu oyunlarda 10 qol vurmağa borcluyduq”.
Maksim “Rəvan”la oyundan sonra meydan sahiblərinin braziliyalı futbolçusu Reys Klaudineylə bağlı yaranan qalmaqala da toxunub: “Mən özüm onu görməmişəm. Amma sonradan dedilər ki, futbolçu azarkeşlərə xoşagəlməz jest edib. Əgər bu, olubsa, çox pisdi. Fikrimcə, futbolçu özünü elə aparmamalıdı. Xüsusilə də, “Qarabağ” azarkeşləri qarşısında. Buna qətiyyən haqq qazandırmaq olmur. Hətta legioner də olsa, oynadığı ölkənin mentalitetinə bələd olmalıdı”.
