20 oktyabr 2011 14:51
AÇ-2012-nin rəsmi sponsoru müəyyənləşdi
2012-ci ildə Ukrayna və Polşanın birgə təşkil edəcəyi futbol üzrə Avropa çempionatının rəsmi sponsoru müəyyənləşib. Azerisport.az xəbər verir ki, bu möhtəşəm turnirə “Kontinental” kompaniyası sponsorluq edəcək.
Bu barədə məlumatı UEFA-nın rəsmi saytı yayıb. Sərnişin avtomobilləri üçün təkər istehsal edən şirkətin rəhbəri Nikolay Zetser belə Avropa çempionatına sponsorluq etmələrinin səbəbini belə izah edib:
“UEFA ilə AÇ-2008-dəki əməkdaşlıqdan sonra Avropa bazarındakı lider mövqeyimizi qorumaq üçün futbol qurumu ilə iki yeni müqavilə imzaladıq. Çünki futbola aid olan ehtiras, dəqiqlik və komanda ruhu bizim markamızla əla harmoniya təşkil edir. Digər tərəfdən, dünyanın ən böyük ikinci turniri bu gün Avropa bazarında strateji əhəmiyyət daşıyan ölkələrin diqqətini cəlb eləmək üçün əla imkandı. Sözsüz ki, söhbət Şərqi Avropa, Asiya və Cənubi Amerika ölkələrindən gedir”.
