20 oktyabr 2011 21:28
Şamil Qurbanov: Azərbaycan yığmasında oynamaq istəmədəyimi deməmişəm
Futbol üzrə 19 yaşadək futbolçulardan ibarət Azərbaycan yığmasının, eləcə də Rusiyanın “Volqa” klubunun müdafiəçisi Şamil Qurbanov Rusiya yığmasına mümkün gedişi barədə ehtimallara münasibət bildirib. Bu gün Nijni Novqorod klubunun rəsmi saytına verdiyi müsahibədə Rusiya yığmasından dəvət gözlədiyini dilə gətirən futbolçu bizimlə söhbətdə bir qədər fərqli danışmağa çalışdı:
“Mənim sözlərimə niyə bu şəkildə reaksiya verildiyini anlamıram. Axı mən pis heç nə deməmişəm. Mən deməmişəm ki, Azərbaycan yığmasında oynamaq istəmirəm. Əksinə, həmişə, hər yerdə təsdiqləmişəm ki, AFFA-nın mənə dəvətindən çox şey qazanmışam. Mən Azərbaycan yığmasında oynamağımdan çox məmnunam. Ola bilsin ki, məni səhv başa düşüblər”.
“Mənim sözlərimə niyə bu şəkildə reaksiya verildiyini anlamıram. Axı mən pis heç nə deməmişəm. Mən deməmişəm ki, Azərbaycan yığmasında oynamaq istəmirəm. Əksinə, həmişə, hər yerdə təsdiqləmişəm ki, AFFA-nın mənə dəvətindən çox şey qazanmışam. Mən Azərbaycan yığmasında oynamağımdan çox məmnunam. Ola bilsin ki, məni səhv başa düşüblər”.
Qurbanov etiraf edir ki, Rusiya yığmasından heç bir dəvət almayıb: “Məni Rusiya yığmasından heç kim çağırmayıb. Bu haqda danışmaq da tezdi. Əgər elə bir təklif alsam da belə, mənim qarşımda ciddi bir seçim etmək vəzifəsi dayanacaq. Hər halda fikirləşib, qərarımı verəcəm. Rusiya yığmasından təklif olmasa, təbii ki, Azərbaycan millisində çıxışıma davam edəcəm”.
“Volqa”nın futbolçusu komanda yoldaşı Vaqif Cavadovla bağlı duruma da toxunub və özünün eyni aqibətlə üzləşməsini istisna edib: “Vaqifə gəlincə, onun diskvalifikasıyası ilə mənim sözlərim arasında heç bir əlaqə görmürəm. Mən ancaq bu gün öyrənə bildim ki, Cavadovu diskvalifikasiya ediblər. Əlbəttə, təəssüfləndiricidi. O, yaxşı futbolçudu”.
