22 oktyabr 2011 13:35
Eder Bonfim: Xal itkisinə fərdi səhvlər səbəb oldu
“Xəzər Lənkəran”ın müdafiəçisi Eder Bonfim Premyer Liqanın 10-cu turunun “Bakı” ilə oyunundan (2:2) sonra azerisport.az saytının suallarını cavablandırıb. Komandasının ilk qolunun müəllifi olan futbolçu bunları dilə gətirib:
- Maraqlı və gərgin oyun alındı. Çox qol vurulan oyunları sevirəm. Amma təəssüf ki, belə oyunu qələbə ilə başa vura bilmədik. Fərdi səhvlər sonda xal itkisiylə nəticələndi. İkinci qolda mən özüm də səhv etdim.
- Maraqlı və gərgin oyun alındı. Çox qol vurulan oyunları sevirəm. Amma təəssüf ki, belə oyunu qələbə ilə başa vura bilmədik. Fərdi səhvlər sonda xal itkisiylə nəticələndi. İkinci qolda mən özüm də səhv etdim.
- Müdafiəçinin çox qollu oyunu xoşlaması bir qədər qəribədi...
- Qol futbolun gözəlliyidi. Mən ki, öz komandamın qapısında çox qol görmək istəmirəm.
- Siz özünüz də fərqlənə bildiniz...
- Hə, qol vurmağı sevirəm. Təəssüf ki, bu qolum qələbə üçün yetərli olmadı. Mənim bir qədər bəxtim də gətirdi. Çünki rəqib qapıçı kobud səhvə yol verdi. Nəzərə alsaq ki, oyun yağışlı havada keçirilirdi, qapıçını başa düşmək olar.
- Sizin qapıçı da səhvsiz ötüşə bilmədi...
- Dediyim ki, belə havada bundan sığortalanmaq mümkünsüz idi. Kamran Ağayev etibarlı qapıçıdı. O, hətta mümkünsüz epizodlarda da komandamızı qoldan xilas etməyi bacarır. Mən onu Azərbaycanın ən yaxşı qapıçısı hesab edirəm. Səhvdən isə heç kim sığortalanmayıb. Əsas odu ki, uduzmadıq.
- Son turlarda XL tez-tez xal itirir...
- Bunu dramatikləşdirmək lazım deyil. Biz “İnter”ə səfərdə uduzduq, “Bakı”yla da yenə rəqib meydanında heç-heçə etdik. Təbii ki, bu nəticələr ürəyimizdə deyil. Amma bunları unudub qarşıdakı oyunlara baxmaq lazımdı.
- Yəqin ki, artıq özünüzü zirvədə o qədər də komfortda hiss etmirsiz?
- Xal fərqi elə də böyük deyil ki, biz özümüzü o dərəcədə komfortda hiss edək. Bizim çoxlu rəqiblərimiz var. Bu üzdən arxayınlaşmaqdan söhbət gedə bilməz.
