22 oktyabr 2011 19:18
AFFA Mahmudova yenə dəvət göndərdi
AFFA rəhbərliyi "Spartak"ın 19 yaşlı yarımmüdafiəçisi Emin Mahmudova milli yığmada çıxış etmək təklifini təkrar ünvanlayıb. Azerisport.az xəbər verir ki, Mahmudov uşaqlıqda valideynləri ilə Moskva vilayətinə mühacirət edib, orada orta və futbol təhsili alıb və Rusiya vətəndaşı kimi yeniyetmələrdən ibarət yığmalarda çıxış edib.
Qeyd edək ki, yarımmüdafiəçi belə bir təklifi AFFA-dan ikinci dəfə alır. Fevralda onunla federasiya rəhbərliyi səviyəsində Rövnəq Abdullayev adından danışıqlar aparılmışdı.
"Spartak"ın baş məşqçisi Valeri Karpin bu məsələyə belə şərh verib: “Qışda danışıqlar gedirdi, indi sakitlikdi. Necə olacağını bilmirəm, amma Eminin hər hansı qərar qəbul etmədiyi dəqiqdi. Onun gələcəyi bardə danışsaq, klubun ona marağı ciddidi”.
Eminin meneceri Oleq Malejik də Moksva klubunun əslən azərbaycanlı futbolçusu ilə bağlı yaranan duruma münasibətini bildirib: “Bəli, müştərimizin Azərbaycan tərəfi ilə əlaqələri olub. Ona oyunçu kimi vətənində maraq var. Ancaq Emin yığmadakı gələcək çıxışına dair qərar qəbul etməyib. Onun tələsəcək yeri yoxdu. Gələcək seçmə mərhələ 2012-ci ilin sentyabrında başlayacaq”.
