23 oktyabr 2011 13:42
Tunc Afşar millimizin üzvü ilə evləndi, TFF prezidenti Bakıya gəldi (FOTO)
Artıq 3 ilə yaxındı “Bakı” futbol klubunda müxtəlif vəzifələrdə çalışan türkiyəli iş adamı Tunc Afşarın voleybol üzrə milli komandamızın üzvü Natəvan Qasımova ilə ailə həyatı qurmağa hazırlaşdığı çoxdan məlum idi. Azerisport.az xəbər verir ki, onlar nəhayət ki, bu arzularına çatıblar.
Özü də Bakıda təşkil olunan möhtəşəm toy mərasimiylə. Cütlüyün nigah şahidləri arasında isə Türkiyə Futbol Federasiyasının (TFF) prezideni, “Acıbadem” Xəstəxanalar qrupunun rəhbəri Mehmet Ali Aydınlar da olub. TFF prezidenti ilə yanaşı Afşarı bu şad günündə İzmir və İstanbuldan olan dostları da yalnız bıraxmayıblar.
Qonaqların arasında xeyli diqqət çəkən isimlər var: Acıbadem Xəstəxanalar qrupunun baş koordinatörü Emin Baş, Türkiyə Qolf Federasiyasının vitse-prezidenti Tuncer Afşar, “Bostanlıspor” klubunun və Basketbol Adamları Dərnəyinin prezidenti Avni Erboy və həyat yoldaşları, “Bakı”nın prezidenti Hafiz Məmmədov, “Bakı”nın fəxri prezidenti Anar Məmmədov, “Bakı”nın baş meneceri Zeynal Məmmədov, Azərbaycanın voleybol üzrə yığmasının baş məşqçisi Faiq Qarayev, eləcə də millimizin üzvləri. Natəvanı da bu xoş günündə qohumları və yaxın dostları yalnız buraxmayıblar.
Bakı Əyləncə Mərkəzində baş tutan və möhtəşəm atmosferdə keçən tədbirdə TFF prezidenti Mehmet Ali Aydınlar çıxışında bunları deyib: “Tunc mənim yaxın dostumdu. “Fenerbahçe Acıbadem”in dünya miqyasında uğurlarında böyük əməyi olub. Onu təbrik edirəm. Bir-birilərinə çox yaraşırlar. Ömür boyu xöşbəxt olsunlar”.
