23 oktyabr 2011 14:20
Həmyerlimiz Ukrayna çempionatında qol vurdu (VİDEO)
“Aleksandriya”nın azərbaycanlı yarımmüdafiəçisi Ruslan Zeynalov Ukrayna çempionatının 14-cü turunda fərqlənib. Azerisport.az xəbər verir ki, o, “Çernomorets”lə səfər matçının 60-cı dəqiqəsində meydana çıxıb.
Bundan cəmi 4 dəqiqə sonra isə həmyerlimiz cərimə zərbəsindən hesabı açıb. Amma təəssüf ki, komandası bu üstünlüyünü qalan dəqiqələrdə itirib və məğlubiyyətlə üzləşib – 1:2.
Qeyd edək ki, “Aleksandriya” hazırda 10 xalla turnur cədvəlində 15-ci pillədə qərarlaşıb. Zeynalova gəlincə, o, 2008-ci ildə Azərbaycan millisinə dəvət alsa da, zədə səbəbindən yığmamızda debütü baş tutmamışdı.
