24 oktyabr 2011 18:00
Amit yarım saat oynadı, komandası lider oldu (YENİLƏNİB)
Türkiyənin Bank Asya birinci liqasında 8-ci turun oyunları keçirilib. Azerisport.az xəbər verir ki, millimizin yarımmüdafiəçisi Amit Quluzadənin çıxış etdiyi “Kayseri Erciyesspor” da bu gün növbəti oyununa çıxıb.
Həmyerlimizin komandası doğma meydanda “Giresunspor”la qarşılaşıb. Bundan öncə keçirdiyi yeddi oyunun dördündə heç-heçə edib, üçündə qələbə qazanan Kayseri təmsilçisi mövsümün 3 yenilməz komandasından biriydi. Kayserililər uğurlu seriyanı bu oyunda da davam etdiriblər. Komanda son dəqiqələrdə vurduğu qələbə topu sayəsində zirvəyə yüksəlib.
Komandasının əsas heyət oyunçularından birinə çevrilən Amitin bu dəfə də oynaması istisna olunmurdu. Lakin həmişəkindən fərqli olaraq bu dəfə Fikret Yılmaz onu ehtiyatda saxlamışdı. Çalışdırıcısı həmyerimizi matçın 59-cu dəqiqəsində Metin Tuğlunun əvəzində döyüşə atıb. Məhz Quluzadənin meydanda çıxmasından sonra komandası qələbəni təmin edib.
Bank Asya birinci liqa
8-ci tur
24 oktyabr
Kayseri Erciyesspor – Giresunspor - 1:0 (0:0)
Qol: Posinkoviç, 89.
