24 oktyabr 2011 16:12
Ceyhun Sultanov: XL-dan da xal ala bilərik
“Kəpəz”in yarımmüdafiəçisi Ceyhun Sultanov Premyer Liqanın 10-cu turunun “Neftçi” ilə oyunundan (1:1) sonra azerisport.az saytının suallarını cavablayıb. Təcrübəli orta sahə oyunçusu öncə bunları dilə gətirib:
“Təəssüf ki, bu oyuna “Qəbələ”yə 0:2 hesablı yenilginin ardından çıxmışdıq. Ona görə də bu oyunda qələbə qazanmaq, ən azı heç-heçəyə nail olmaq istəyirdik. Sonda məhz bərabərlik qeydə alındı”.
“Təəssüf ki, bu oyuna “Qəbələ”yə 0:2 hesablı yenilginin ardından çıxmışdıq. Ona görə də bu oyunda qələbə qazanmaq, ən azı heç-heçəyə nail olmaq istəyirdik. Sonda məhz bərabərlik qeydə alındı”.
Gəncə klubunun lideri komandasının çoxsaylı qol epizodlarını boşa verməsini belə dəyərləndirib: “Bu, futboldu. Çox qol vurmaq da olar, buraxmaq da. Əsas odu, komandan qələbə qazansın”.
Sultanovun fikrincə, “Neftçi” ilə heç-heçə qətiyyən pis nəticə deyil: “Deməzdim ki, bizdə bu oyunda nəsə çatışmırdı. Ola bilsin ki, ikinci hissə başlayan kimi qol buraxmağımızın müəyyən təsiri oldu. Həm də rəqib ilk yarıya nisbətən, fasilədən sonra daha fəal idi. Hesab edirəm ki, belə rəqiblə oyunda 1 xal da qənətbəxş nəticədi”.
“Kəpəz”in kapitanı komandasının qarşıdakı “Xəzər Lənkəran”la oyununa da toxunub: “Şübhəsiz ki, “Xəzər Lənkəran”la oyunumuz çox ağır olacaq. Çünki bu oyun səfərdə baş tutacaq. Amma hesab edirəm ki, biz istənilən komandaya başağrı yarada bilərik. Hər halda Lənkəranda da öz oyunumuzu sərgiləməyə, ən azı xal qazanmağa çalışacağıq. Əlbəttə, XL ölkənin ən güclü klublarından hesab olunur. Amma biz də “Bakı”nı səfərdə yenmişik, “Neftçi”dən xal almışıq. Fikrimcə, bu oyunda da sürpriz edəcək gücdəyik”.
“Kəpəz”in yarımmüdafiəçisi komandasının oyunlara heç də yaxşı motivasiya ola bilməməsinə də münasibət bildirib: “Liderlərə qarşı biz çox yaxşı oynayırıq. Amma qalanlarına qarşı o dərəcədə də yox. Deməzdim ki, bu, motivasiya ilə bağlıdı. Sadəcə, güclü komandalara qarşı hazırlaşmaq daha asan olur”.
